1338 Acta Apostolicae Sedis - Commentarium Officiale

Sanctorum facultatem fecit ut Decretum super virtutibus promulgaret. Pro

Beatificatione praebita est deinde asserta quaedam mira sanatio, quam

Consultores Medici eiusdem Congregationis iudicaverunt sub luce scientiae

inexplicabilem fuisse. Consultores Theologi in Congressu peculiari die XX

mensis Aprilis anno MMXIV sanationem intercessioni Venerabilis Servi Dei

adscripserunt. Patres Cardinales et Episcopi in Sessione Ordinaria die XVI

mensis Septembris anno MMXIV edixerunt hanc sanationem verum fuisse mi-

raculum. Nosmet Ipsi Congregationi de Causis Sanctorum facultatem fecimus

ut Decretum super miro die XVII mensis Septembris anno MMXIV promulgaret.

Decrevimus etiam ut Beatificationis ritus die XIX mensis Septembris anno

MMXV Miniatopoli perageretur.

Hodie igitur eadem in urbe de mandato Nostro Venerabilis Frater Nos-

ter Angelus S.R.E. Cardinalis Amato, S.D.B., Praefectus Congregationis de

Causis Sanctorum, textum Litterarum Apostolicarum legit, quibus Nos Ve-

nerabilem Servum Dei Pium Albertum Del Corona in Beatorum numerum

adscribimus:

Nos, vota Fratris Nostri Fausti Iardelli, Episcopi olim dioecesis Sancti

Miniati, necnon plurimorum aliorum Fratrum in Episcopatu multorumque

christifidelium explentes, de Congregationis de Causis Sanctorum consul-

to, auctoritate Nostra Apostolica facultatem facimus ut Venerabilis Servus

Dei Pius Albertus Del Corona, Ordinis Fratrum Praedicatorum professus,

Archiepiscopus titulo Serdicensis, olim Episcopus Sancti Miniati, Fundator

Congregationis Sororum Domìnicanarum a Spiritu Sancto, Pastor animarum

secundum cor Christi, testis studiosus et humilis Evangelii, Beati nomine in

posterum appelletur, eiusque festum die undevicesima mensis Septembris

in locis et modis iure statutis quotannis celebrari possit. In nomine Patris

et Filii et Spiritus Sancti.

Verbo et exemplo vir hic Dei quod ille divino afflatus spiritu docuit opere

semper perfecit et, sanctam ducens conversationem, Sororibus christifide-

libusque et universo populo fuit exemplar et speeulum effulgens virtutum

mira pietate suffultum, cuius virtutes aemulantem in terris, tribuat Dominus

gratiae suae protectione Ecclesiam beati illius meritis et doctrinis adiuva-

ri, qui pro nobis efficiatur piissimus interventor sicuti dominicae veritatis

exstitit praedicator eximius, propugnator fidei atque fidelis et prudens dis-

pensator, quem constituit Dominus super familiam suam, ut, cuius Ecclesia

praedicatione floruit, eius etiam intercessione iuvetur.