Congregatio de Causis Sanctorum 447

virtutibus autem meritisque refertus, pie obdormivit in Domino die 5 mensis

Novembris anno 1931.

Hunc Dei Famulum Ioannes Paulus II, Summus Pontifex, theologales et

cardinales iisque adnexas virtutes, heroum in modum, exercuisse declaravit

die 11 mensis Februarii anno 1982, quem deinceps in Beatorum album ascri-

psit die 17 mensis Martii anno 1996.

Canonizationi autem prospiciens, Causae Postulatio sanationem, quae per

huius beati intercessionem a Deo patrata ferebatur, huic Congregationi iudi-

candam proposuit; quod quidem factum est mense Augusto anno 2003, intra

fines dioecesis Bellohorizontinae, in Brasilia, pro puero Iacobo Ioanni Dos

Apóstolos Souza. Hic enim aegrotante matre cum praemature editus esset, in

sedem curationis efficacioris statim deductus, fistulis in eius corpus immissis,

quindecim omnis vitae primos dies superavit, cum tamen nullum salubris

mutationis indicium conspici daretur, quin contra eius corporis pondus a

tempore nascendi haud mediocriter deminutum sit. Ceterum post diem

quintum decimum puer in summo vitae periculo fuit, ita ut, exoriente inter-

missione cardiorespiratoria, per semihoram minimum redanimatus spirandi

facultatem recuperaret. Nulla est dubitatio quin res clinica eiusmodi aliquod

gravissimum haberet, praeiudicato morbi exitu, cum quoad vitam tum quoad

valetudinem, utpote qui proclivitatem ad explorata nervorum damna secum

ferret, in aliud tempus reservato. Ideo nullam fere spem morbum superandi

parvulus habebat.

In tanto discrimine dies aliquot non solummodo a parentibus et pro-

pinquis, verum etiam a Christicolarum sodalitate instantissime Domino

supplicatum est ut, intercedente Beato Guidone Maria Conforti, puer sana-

tione donaretur. Et ipse ex improviso revirescere atque convalescere visus

est, claris indiciis comprobantibus, quae mox in stabilem favorabilemque

cursum, re tum neurologica tum clinica minime ingravescente, evaserunt.

Quae quidem insperata parvuli sanatio mirum omnibus portentum, divinitus

patratum, visa est. Constat enim congruentiam temporis et contextum fuisse

inter supplicationes, quibus Beatus hic invocatus est, et sanationem pueri

Iacobi Ioannis Dos Apóstolos Souza, qui nunc non solum optima valetudine

utitur, sed etiam rectam, praesertim quoad aliorum commercium attinet,

vitam agere valet.

Qua de sanatione, pro miro habita, in Metropolitana Curia Bellohorizon-

tina, a die 4 mensis Octobris ad diem 16 mensis Novembris anno 2005,

Inquisitio dioecesana est instructa; cuius vim praesens Congregatio ratam