Acta Apostolicae Sedis - Commentarium Officiale454

theologiae curriculis, presbyter in Cathedrali templo Buffalensi die 19 mensis

Martii anno 1876 est ordinatus.

Suam etiam ob notam peritiam in nummaria administratione, in Institu-

tum Patris Hines statim missus est ut varias obiret difficultates ibi emersas,

ac deinde in paroeciam Sanctae Mariae in loco vulgo Corning. Deinde Patri

Hines in munere moderatoris Instituti Limestone Hill successit. Servus Dei

hic postremos pastoralis ministerii annos transegit, de ultimis et indefensis

valde sollicitus. Assiduam adhibuit curam de bono ferendo infantibus, pau-

peribus familiis, iuvenibus derelictis et personis coloris, saepe praeiudiciis

stirpis humiliatis. In huiusmodi inceptis quae promovit, constans fuit eius

fiducia in Divina Providentia maternoque Virginis Sanctissimae praesidio.

Plurima recenseri possunt opera quae Nelsonius pro caritate exercuit, sicut

Consociatio « Nostrae Dominae a Victoria » cuius erat subsidia assequi ad

orphanotrophium sustentandum, « Patronatus Sancti Ioannis » ad tecto ac

sede carentes excipiendos, « Domus Sacri Cordis » iuvenibus operariis et

« Domus infantis » pueris derelictis destinatae.

Hoc in diligenti ad proximi beneficium ministerio nullo umquam tempore

orationem reliquit, profundo compulsus amore erga Sanctissimum Sacra-

mentum ardentique devotione erga Virginem Mariam, in cuius honorem

sanctuarium aedificandum promovit, quod anno 1926 ad finem adductum

est. Altissima fides fundamentum totius eius vitae exstitit atque veram ani-

mam eius indefatigabilis industriae constituit. Vir firmae spei, numquam

sensum amisit suae vocationis et semper cum gaudio, serenitate, prudentia

et fortitudine vitam gessit, etiam inter difficultates et acerbitates, quae

postremis annis in deterius sunt mutatae. Servus Dei, senex et graviter

aegrotans, die 29 mensis Iulii anno 1936 in Limestone Hill pie in Domino

obdormivit, amore et affectu omnium qui noverunt eum circumdatus.

Ob sanctitatis famam, quae praesertim post eius mortem gradatim

crescebat, a die 5 mensis Ianuarii anno 1989 ad diem 7 mensis Decembris

anno 1993, apud Curiam Episcopalem Buffalensem dioecesana Inquisitio est

instructa, cuius iuridica auctoritas per Decretum diei 26 mensis Ianuarii anno

1996 a Congregatione de Causis Sanctorum est recognita. Parata Positione,

disceptatum est, ad suetas normas, an Servus Dei virtutes heroico modo

exercuisset. Die 12 mensis Decembris anno 2000 Congressus Consultorum

Historicorum est actus et die 26 mensis Februarii anno 2010 Peculiaris

Consultorum Theologorum Congressus, positivo cum exitu, evenit. Die

9 mensis Novembris anno 2010 Patres Cardinales et Episcopi, Ponente