Acta Apostolicae Sedis - Commentarium Officiale448

habuit per Decretum die 5 mensis Maii anno 2006, latum. Consilium autem

Medicorum, quod apud idem Dicasterium habetur, die 18 mensis Februarii

anno 2010 agnovit sanationem, de qua agitur, celerem, perfectam stabi-

lemque fuisse, eandem autem ex hodiernis artis cognitionibus explicari

non posse. Deinde vero, die 23 mensis Aprilis, hoc anno 2010, Theologi

Consultores in Peculiarem, qui dicitur, convenere Congressum. Quorum

quidem favorabilem sententiam Purpurati Patres et Episcopi, die 5 mensis

Octobris eodem anno 2010, in Sessione Ordinaria congregati, Exc.mo D.no

Hieronymo Grillo, Episcopo emerito Centumcellarum-Tarquiniensi, Causae

Ponente, confirmarunt.

Et in utroque Coetu, tam Consultorum quam Cardinalium et Episcopo-

rum, posito dubio num de miraculo divinitus patrato constaret, responsum

affirmativum prolatum est.

Facta postmodum de hisce omnibus rebus Summo Pontifici Bene-

dicto XVI per infrascriptum Cardinalem Praefectum accurata relatione,

Beatissimus Pater, vota Congregationis de Causis Sanctorum excipiens rata-

que habens, subsignata die pronuntiavit: Constare de miraculo a Deo patrato

per intercessionem Beati Guidonis Mariae Conforti, Archiepiscopi, Episcopi

Parmensis, Fundatoris Piae Societatis Sancti Francisci Xaverii Pro Exteris

Missionibus, videlicet de celeri, perfecta stabilique sanatione pueri Iacobi Ioannis

Dos Apóstolos Souza a « grave ipossia cerebrale a seguito di arresto cardio-respi-

ratorio prolungato in neonato estremamente prematuro con sepsi generalizzata ».

Mandavit insuper Beatissimus Pater ut praesens decretum publici iuris

fieret atque in acta Congregationis de Causis Sanctorum referretur.

Datum Romae, die 10 mensis Decembris A. D. 2010.

Angelus Card. Amato, S.D.B.

Praefectus

L. e S.

e Michaël Di Ruberto Archiep. tit. Biccarensis, a Secretis