Acta Apostolicae Sedis - Commentarium Officiale446

ACTA CONGREGATIONUM

CONGREGATIO DE CAUSIS SANCTORUM

PARMENSIS

Canonizationis Beati Guidonis Mariae Conforti, Archiepiscopi Episcopi Parmensis

Fundatoris Piae Societatis Sancti Francisci Xaverii pro Exteris Missionibus

(1865-1931)

DECRETUM SUPER MIRACULO

Beatus Guido Maria Conforti die 30 mensis Martii anno 1865, in pago,

quem vulgo Ravadese appellant, intra fines dioecesis Parmensis, natus est,

eodemque die cum ad fontem lavacri salutaris rite adduceretur, nomina ei

Guido Maria imposita sunt. Sacris initiatus idemque sacro presbyteratus

ordine insignitus, cum voluntati, qua ad Christianam propagandam fidem

vocaretur, prae infirma valetudine, obsequi non potuisset, Piam ipse Socie-

tatem Sancti Francisci Xaverii pro Exteris Missionibus (seu Xaveridum

Missionalium) instituit. Ravennatensem denique Ecclesiam, cuius interea

Archiepiscopus renuntiatus erat, biennium rexit, suis opibus quibuscumque

minime parcens; suo tamen pontificatu, prae ingravescenti valetudine, facere

non potuit quin se abdicaret. Tandem ad salutem aliquantum reversus,

Parmensi Ecclesiae Episcopus datus est, quam quidem ipse quattuor supra

viginti annos rexit; ibique in primis populum sibi commissum sacris erudien-

dum fecit. Laboribus angustiisque susceptis innumeris, suam dioecesim pro

pastorali officio quater perlustravit; quintum autem mors eidem intervenit.

Synodum bis celebravit; Actionis Catholicae sodalitatem instituit, provexit;

clerum in sacris Seminariis efformandum mirum in modum curavit; praeterea

ad Unionem Missionalem Clericorum condendam contulit, cui quidem primus

praefuit; sicque inter auctores missionalis operae praestantissimos, cum in

Italia tum in orbe, eminuit. Tandem laboribus et alacritate confectus,