Congregatio de Causis Sanctorum 451

Anno vero 1915, bello mundiali infuriante, Regimen Generale Societatis

coactum est ad se in Helvetiam neutralem transferendum. Pater Jordan,

obtemperans decisioni III Capituli Generalis, regimen Societatis deposuit in

manibus futuri successoris Patris Pancratii Pfeiffer. Post gravem morbum,

in humili hospitio urbis Tafers prope Friburgum in Helvetia obdormivit in

Domino die 8 mensis Septembris anno 1918.

Deus dedit seu Servo inde a pueritia magnum desiderium cum Christo in

Eucharistia se iungendi. Sacrum Sanctae Missae Sacrificium necnon

eucharistica adoratio per totam vitam eius ferventem zelum apostolicum

confirmarunt. Confratres semper invenerunt eum in oratione immersum.

Magnam hausit consolationem ex amore Beatae Mariae Virginis, Matris

Salvatoris et Reginae Apostolorum, cuius venerationem promovere

quaesivit. Perdilexit evangelicam paupertatem; vivebat in inconcussa

fiducia erga Deum necnon in animosa humilitate. Sanctam Crucem amore

complectebatur. Fidei Ecclesiae et monitis ecclesiasticae auctoritatis iugitur

obtemperavit, etiam momentis maximae difficultatis. De filiis filiabusque

spiritualibus tamquam pater curam adhibuit et magis magisque crevit in

promptitudine eis ignoscendi.

Vita eius ad sanctitatem apostolicam prosequendam omnes incitat. Pater

Franciscus Maria exemplar exstat illius hominis apostolici et missionarii qui

exoptat ut omnes homines ad Iesum Christum Salvatorem Mundi conducan-

tur. Visione quadam universali apostolatus non solum renovationem fidei

credentium incohare voluit sed primam quoque et novam promovere evan-

gelizationem. Christum adnuntiare cupiebat et testimonium dare in omnibus

dimensionibus vitae et culturae « omnibus rationibus et mediis, quae caritas

Christi inspirat ».

Virtute famae sanctitatis Servi Dei iam in vita praeclarae, specialiter vero

post obitum, Processus Ordinarius Informativus Romae instructus est a die

22 mensis Decembris anno 1942 ad diem 17 mensis Iunii anno 1949, quem

sequebantur Processus Rogatoriales in dioecesibus Friburgensi in Helvetia,

Passaviensi, Paderbornensi, Vindobonensi, Sancti Sebastiani Fluminis

Ianuarii, Olomucensi et Sinus Viridi (annis 1943-1949), quorum validitas

iuridica rata est habita ab hoc Dicasterio per Decretum diei 24 mensis

Novembris anno 2006. Positione confecta, Consultores Historici in Sessione

diei 5 mensis Iunii anno 2007 votum positivum protulerunt. Die 22 mensis

Ianuarii anno 2010 Congressus Peculiaris Consultorum Theologorum positive

factus est. Patres Cardinales et Episcopi, in Sessione Ordinaria diei 11 mensis