Congregatio de Causis Sanctorum 105

ACTA CONGREGATIONUM

CONGREGATIO DE CAUSIS SANCTORUM

CAPUANA

Beatificationis et Canonizationis Servi Dei Donati Giannotti, Sacerdotis dioecesani

Fundatoris Congregationis Sororum Ancillarum ab Immaculata (1828-1914)

DECRETUM SUPER VIRTUTIBUS

« Pascite, qui est in vobis, gregem Dei, providentes ne coacto sed spon-

tanee secundum Deum, neque turpis lucri gratia sed voluntarie, neque ut

dominantes in cleris sed formae facti gregis » (1 Pe 5, 2-3).

Quem Evangelium Bonum Pastorem appellat, illum, ut Petrus presbyte-

ris communitatis miris verbis proposuit, ita etiam Servus Dei Donatus Gian-

notti sibimet constituit, quippe ad quem omnia perinde in vita atque in

spiritualitate referret: tum dicendo tum tacendo, tum agendo tum denique

patiendo omnibus in adiunctis ita vixit ille, ut sciens et laetus particeps fieret

mysterii Christi, qui Sacerdos est summus atque aeternus.

Natus est igitur iste Servus Dei in pago Casapulla (prope Casertam) die 6

mensis Iunii anno 1828. Egregiis maioribus ortus, in frequenti familia crevit

atque humanis litteris christianaque doctrina laudabiliter instructus, inde a

puero sensit non obscure, se ad genus vitae sacerdotalis vocari. Alumnus

seminarii dioecesani Capuani, curriculo studiorum rite peracto, subdiaconus

factus est. Cum autem necopinato casu mater mortua esset, ita dolore con-

cussus est acerbo, ut domum necessario remeaverit medicae curationis causa.

Hoc ipso verum tempore Sanctum Caietanum Erricum, cui obviam interea se

tulerat, sacerdotem elegit, cui peccata ex consuetudine confiteretur. Cum

vero studis olim intermissis rursus se commisisset, sacerdos tandem die 21

mensis Maii anno 1853 ordinatus est. Principio quidem sacerdotis munera in