Acta Apostolicae Sedis - Commentarium Officiale112

SANCTI NICOLAI DE LOS ARROYOS

Beatificationis et Canonizationis Ven. Servae Dei Mariae Crescentiae Pérez (in

saec.: Mariae Angelicae), Religiosae professae Congregationis Filiarum Mariae

Ss.mae ab Horto (1897-1932)

DECRETUM SUPER MIRACULO

Venerabilis Serva Dei Maria Crescentia Pérez die 17 mensis Augusti anno

1897 in oppido Sancti Martini, prope Bonaëropolim, in Argentina, nata est.

Cum autem ad fontem lavacri salutaris rite adduceretur, nomina ei Maria

Angelica imposita sunt. Puella itavit in Institutum Filiarum SS.mae Mariae

ab Horto (seu Gianelline), quod Hispanico sermone « Hogar de Jesús » appel-

lant, in loco vulgo dicto Pergamino; ibique, cum ad religionem amplexandam

sese divino quodam instinctu vocatam agnosceret, sumpto habitu Congrega-

tionis, sibi Sororis Mariae Crescentiae nomen indidit, eademque postea per-

petua quoque votorum formula se Deo mancipavit. Cum autem in mariti-

mum valetudinarium, « Solarium » nuncupatum, in loco, quem Argentini

vulgo Mar del Plata nominant, esset destinata, phthisicas puellas curavit

easque ad Eucharisticum convivium primum accessuras rite instruxit. Anno

autem 1928 missa est in oppidum, quod vulgo Vallenar appellant, in Chilia

septentrionali, ubi consequentibus annis, donec pro infirma valetudine licuit,

humillimis necessitatibus, cum omnium tum valetudinarii, quod in eadem

regione erat, numquam intermissa opera, praesens auxilium tulit. Ceterum

haec mulier, dum suis muneribus fungitur, unum illud propositum habuit

divino numini penitus obsequi; namque, quod gravius in dies aegrotaret, id

propter Dominum accepit, eademque, dum haec patitur, tam magno docu-

mento omnibus fuit tantaque in omnes comitate usa est, ut usque ad hodier-

num diem « Sor Dulzura » Hispanico sermone (id est Latine « Soror Dulcedo »)

cognomento amantissime celebretur. Pie in Domino obdormivit die 20 mensis

Maii, anno 1932, in oppido Vallenar. Quam Dei Famulam Ioannes Paulus II

Pontifex Maximus theologales et cardinales iisque adnexas virtutes, heroi-

cum in modum, exercuisse declaravit per Decretum die 22 mensis Iunii anno

2004, latum.

Postulatio autem Causae, cum esset iam in prospectu beatificationis eius,

mirum quoddam, quod divinitus, eadem deprecante, Bonaëropoli patratum

ferebatur, huic Congregationi de Causis Sanctorum proposuit iudicandum.