Congregatio de Causis Sanctorum 113

Agitur enim de celeri, perfecta stabilique sanatione dominae Mariae Sarae

Pane, viginti quinque annorum mulieris, Argentinae, quae, cum inde ab anno

aetatis undecimo mellito, qui fertur, diabeta, eoque ab insulino dependenti,

laboraret, mense Martio anno 1997 iecoralem morbum acutum contraxerat,

qui ita praepropere crudescere coepit ut timeretur ne non posset eadem

mulier vita superare.

In tanto rerum discrimine Moderatrix Filiarum Mariae SS.mae ab Horto,

quae in eodem valetudinario, in quod Maria Sara deducta erat, infirmos

curabant, illis solacium praebentes, infirmae parvam effigiem Venerabilis

Servae Dei una cum eiusdem reliquiis tradidit; cuius deinceps intercessionem,

multiplici ferventique supplicatione, ceterae sorores et sacerdos in eodem

valetudinario religioni fovendae praepositus multique alii, in quibus ipsa

mulier eiusque parentes, invocarunt. Itaque in ipsa summa crisi, die 2 mensis

Aprilis anno 1997, dum Maria Sara iecinoris transplantationem exspectat,

quae una curationis optio ad vitam servandam habebatur, omnia repente,

inexplicabili quadam ratione, in melius mutata sunt, adeo ut infirma intra

quartum diem ex morbo evaderet.

Constat enim concursum temporis et contextum esse inter supplicationes,

quibus Venerabilis Serva Dei invocata est, et sanitatem restitutam mulieri,

quae postea non optima dumtaxat valetudine usa est, sed iustam, praesertim

quoad aliorum commercium attinet, vitam degere potuit.

De hac igitur re, quae mirum divinitus patratum visa est, in Archiepisco-

pali Curia Bonaërensi, ab anno 1999 ad annum 2000, Inquisitio dioecesana

est instructa; cuius vim Congregatio haec ratam habuit per decretum die 16

mensis Novembris anno 2001 latum. Consilium vero Medicorum, quod apud

idem Dicasterium habetur, die 28 mensis Octobris anno 2010, cum sederet,

cunctis suffragiis agnovit sanationem, de qua agitur, ex huiusce temporis

artis cognitionibus minus explicari posse. Die denique 21 mensis Maii verten-

te anno 2011, Theologi Consultores in Peculiarem, qui dicitur, convenere

Congressum. Quorum quidem favorabilem sententiam Purpurati Patres et

Antistites, die 8 mensis Novembris vertente anno 2011, in Sessione Ordinaria

congregati, Exc.mo D.no Salvatore Fisichella, Archiepiscopo tit. Vicohaben-

tino, Causae Ponente, confirmarunt.

Facta postmodum de hisce omnibus rebus Summo Pontifici Bene-

dicto XVI per infrascriptum Cardinalem Praefectum accurata relatione,

Beatissimus Pater, vota Congregationis de Causis Sanctorum excipiens

rataque habens, hodierno die declaravit: Constare de miraculo a Deo patrato