1440 Acta Apostolicae Sedis - Commentarium Officiale

Tauromeniae in Italia anno 2009 occurrit. Natus enim confestim post par-

tum gravia signa corporis ostendit, nempe pedum manuumque ungularum

colorem caeruleum, fere completam fletus vacationem et pondus impar.

Proinde, summa urgentia in valetudinarium pluribus curationibus minis-

trandis constitutum Catanensem advectus est, pulmonum tensionis excessus

prolata sententia. Primis medicorum perscrutationibus patratis additisque

indiciis cordis defectus, condicionibus clinicis admodum gravibus perseve-

rantibus, infans die 19 mensis Aprilis in nosocomium Tauromeniae denuo

translatus est, ubi novissimum examen ultrasonorum emissionis ope ins-

tructum omnino abnormem venarum pulmonum reditum ostendit propter

obicem sub saeptum transversum corporis situm et statum clinicum fere ad

statum lethargi comatis provectum.

Superioribus diebus amici quidam infantuli familiae necnon Beatae devoti

de his omnibus rebus Sorores a Monte Carmelo Bethleem sedulo admonue-

rant, quae alias etiam religiosarum communitates suaserunt, ut, captivis

quoque alicuius carceris in precationibus consociatis, ad divinum confu-

gerent auxilium et per Beatae intercessionem Deum pro pusilli sanatione

invocarent. Initium precum, ad vesperam scilicet diei 20 mensis Aprilis anno

2009, urgentem chirurgicam sectionem paulum praecessit, cui sero puerulus

utpote extremae rationi salutis subiectus est: nam, medici aegrotum deces-

surum omnino freti erant. Reliquia interdum Beatae apud orantem erat et

sperantem infantis matrem, cui omnes in viscerum communione adiuncti

erant. Expleta autem sectione, primis horis diei 21 eiusdem mensis Aprilis

in cubiculum infans relatus est, cuius condiciones adeo profectae extemplo

visae sunt, ut precationes aliquos dies exciperent. Etenim consecutae clini-

cae pervestigationes secundissimae exstiterunt et plena aegroti sanationem

confirmaverunt.

Continuatio temporis clarissime patuit, sicut et nexus inter invocatio-

nem Beatae et pueri sanationem, qui exinde adolescere perseveravit optima

gaudens valetudine, nullo omnino superstite tantarum angustiarum effectu.

De hac mira habita sanatione apud Curiam Archiepiscopalem Messa-

nensem-Liparensem-Sanctae Luciae a die 10 mensis Aprilis anno 2013 ad

diem 31 mensis Ianuarii anno 2014 Inquisitio dioecesana celebrata est, cuius

auctoritas et vis iuridica a Congregatione de Causis Sanctorum Decreto diei

28 mensis Februarii anno 2014 probatae sunt. Acta dein collecta examini

et iudicio Dicasterii Medicorum Collegium subiecta sunt, quod in Sessione