Congregatio de Causis Sanctorum 1441

diei 12 mensis Maii anno 2014 sanationem rapidam, completam et duratu-

ram, necnon inexplicabilem secundum hodiernam scientiam medicam fuisse

affirmavit.

Die 25 mensis Septembris anno 2014, Congressus Peculiaris Consultorum

Theologorum prospero cum exitu factus est ac, die 2 mensis Decembris anno

2014, Sessio Ordinaria Patrum Cardinalium et Episcoporum, cui egomet ipse

Angelus Cardinalis Amato praefui, et in utroque coetu sive Consultorum

sive Cardinalium et Episcoporum, posito dubio an de miraculo divinitus

patrato constaret, responsum affirmativum prolatum est.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Bea-

tae Mariae a Iesu Crucifìxo (in saeculo: Mariae Baouardy), Monialis pro-

fessae ex Ordine Carmelitarum Discalceatorum, videlicet de celeri, perfecta

ac constanti sanatione infantis cuiusdam a « cardiopatia congenita, ritorno

venoso polmonare anomalo totale, complicata da grave ipossia, ipertensione

polmonare, stato preagonico ».

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 6 mensis Decembris a.D. 2014.

angelus carD. amatO, s.D.b. Praefectus

L. G S.

G marcellus bartOlucci Archiep. tit. Mevaniensis, a Secretis