1442 Acta Apostolicae Sedis - Commentarium Officiale

CRACOVIENSIS

Beatificationis et Canonizationis Servi Dei Ladislai Bukowiński Sacerdotis Dioe- cesani (1904-1974)

DECRETUM SUPER VIRTUTIBUS

« Dabo vobis pastores iuxta cor meum et pascent vos scientia et doc-

trina » ( Ier 3, 15).

Promissioni a Ieremia propheta Israëlis proclamatae numquam defuit

Dominus, sed populum suum per cursum historiae comitatus est et pastores

suscitavit ac ministros, qui iisdem suis fidelitatis ac misericordiae visceri-

bus eundem ducerent, inter quos Servus Dei Ladislaus Bukowiński eminet,

indefessus praeco et caritatis Boni Pastoris confessor.

Servus Dei in vico Berdichovia die 22 mensis Decembris anno 1904,

tunc sub dicione Poloniae, nunc vero Ucrainae, natus est.

Tempore iuventutis, Institutum de Re Politica apud Universitatem Stu-

diorum Iagellonicam frequentavit sed, vocatione ad sacerdotium percepta,

Seminarium Cracoviense ingressus est et, expleto cursu formationis, die 28

mensis Iunii anno 1931 presbyteratu auctus.

Consecutis annis, vicarii et catechistae primum in vico v. d. Rabka, dein

Sucha Beskidzka gessit munera. Mense Augusti anno 1936, iuxta suipsius

petita Luceoriam in Voliniae regione profectus est, ubi novem annos usque

ad mensem Ianuarii anno 1945 enixam impertiit operam simulque rem

catecheticam et socialem interdum in Seminario Luceoriense et religionem

apud scholas docebat, in Actione Catholica adnitebatur, Institutum Superius

de Scientiis Religiosis dirigebat atque ephemeridi, cui titulus « Vita Catho-

lica », edendae praeerat.

Ineunte secundo totius mundi bello ac Polonia ab exercitu russico in-

vasa, Episcopus eum ecclesiae cathedralis Luceoriensis parochum nomi-

navit. Profundae spiritualitatis suae vividique intellectus atque insignium

prudentiae et temperantiae dotum gratia, quibus optima linguae russicae

peritia adiciebatur, Servus Dei omni ope et studio contendit, ut libertatem

religiosam atque facultatem Ecclesiae operis pastoralis opitulationisque

perseverandi quam maxime defenderet. Paucis autem post mensibus, ab

asseclis communistarum seditionis pervicacissimis apprehensus est et octo