Congregatio de Causis Sanctorum 1443

annorum campi detentionis damnatus. Festinum vero propter impetum

exercitus germanici brevi postea Russi captivos armis extrudere ceperunt:

Servum Dei autem, qui una cum aliis vinctis die 23 mensis Iunii anno 1941

plumbis iamiam tranfossurus erat, iactus non obtudit: in carceris platea

accubitus immo confessionem audiebat consortium, quos infra plumborum

flammas absolvebat.

Germanis in praesentiarum victoribus, Ladislaus ministerium eccle-

siae cathedralis parochi resumpsit. Occupatio germanici exercitus Voliniae

aterrimum fuit tempus, qui consummata est catervarum Iudaeorum nex

abiecta una et saevae incursiones Ucrainorum qui defensores patriae se

esse praesumebant in Polonorum pagos cum iniuriis quae exinde consecu-

tae sunt, acerbum armatorum qui e letebris iura Polonorum defenderunt

certamen, atque reditus Exercitus, qui dicebatur, Rubri et proinde russicae

dominationis. Quibus omnibus in adiunctis Reverendus Dominus Ladislaus

sollicitudinem miram ostendit: populo doctrinam catholicam tradidit, capti-

vorum curavit familias, innumeros Iudaeos praesertim pueros a carnificibus

eripuit et apud familias catholicorum recondidit, necnon victimas vastatio-

num Ucrainorum contra Polonos sustulit et permultis captivis in re bellica

omni ope ac studio subvenit. Mense Ianuarii anno 1945 una cum Episcopo

Luceoriensi et aliquibus presbyteris iterum apprehensus est et decem an-

norum campi detentionis damnatus poenae, quam in minis Caragandae in

Cazastania expiavit.

E qua captivitate anno 1954 redemptus, Caragandae constitit atque anno

post, Poloniae repetendae recusato proposito, civis fieri russicus atque in

Cazastania insidere statuit. Die 3 mensis Decembris anno 1958 autem Reve-

rendus Dominus Ladislaus denuo apprehensus est et poenae trium annorum

peregrinationis varia per campos detentionis damnatus, quibus computatis

tredecim annorum et quinque mensium et decem dierum in carceribus et

in campis laboris contigit summam. Denuo e carcere emissus, in Cazasta-

nia tandem restitit, ministerium pastorale pro variis gentibus quae in hac

tellure aderant exercens et christifideles longinquis in civitatibus vel vicis

pagisque immensae illius vastitatis disiectos sollicite invisitans.

Spiritualis Servi Dei vultus sub imitationis Christi limina mirabiliter

eminet. Plenitudo virtutum in eo fulsit Boni Pastoris, qui non modo

gregi ministrat, sed etiam cum christifidelibus viam passionis et spei