1444 Acta Apostolicae Sedis - Commentarium Officiale

communicat. Omnibus in adiunctis impigerrimus, etiam camporum deten-

tionis russicorum pertulit tormenta, famem scilicet et frigora, sed sacro

ministerio patienter benigneque fungi semper perseveravit. Fides freta

eius ergo ac profonda in difficillimis praesertim angustiis emicat: histo-

ria enim patriae eo temporis animum erga Deum et Ecclesiam severiter

infensum usque in veram persecutionem effinxit, sed in tantorum etiam

dirorum copia Servus Dei numquam spe defecit novi pro Ecclesiae et

universa societate luminis conspiciendi, quod ad comparandum summo

cum pastoralis caritatis spiritu enisus est, multis praesertim sive corpore

sive defractis anima inserviens.

Interioris hominis conversatio ferventi eucharistica spiritualitate et devo-

tione erga Beatam Mariam Virginem cotidie alebatur ac summopere praes-

titit, ut clarissime aequanimiterque immanium omnium quae sive eundem

sive societatem attinxerant sive Ecclesiam perciperet pondus. In adiunctis

etiam perduris constantiam animi exhibuit magnam et nec in atrocissimis

quidem persecutionis ulla in eo inspecta est diffidentia, sed inconcussa

videtur perfidens suipsius oblatio divinae voluntati plenaque fides eius in

Evangelio.

Multis laboribus et feris carceribus fractus, Servus Dei die 3 mensis

Decembris anno 1974 Caragandae pie in Domino quievit, ubi sepultus est.

Ob sanctitatis famam Causa beatificationis et canonizationis apud

Curiam Archiepiscopalem Cracoviensem inita est per celebrationem In-

quisitionis dioecesanae a die 19 mensis Iunii anno 2006 ad diem 8 mensis

Martii anno 2008, cuius auctoritas et vis iuridica ab hac Congregatione

de Causis Sanctorum die 6 mensis Februarii anno 2009 probatae sunt.

Positione confecta, die 8 mensis Aprilis anno 2014 in Congressu Peculiari

Consultorum Theologorum prospero cum exitu disceptatum est, iuxta

consuetudinem, an Servus Dei more heroum virtutes christianas exercuis-

set. Patres Cardinales et Episcopi in Sessione Ordinaria diei 13 mensis

Ianuarii anno 2015, cui egomet ipse Angelus Cardinalis Amato praefui,

professi sunt Servum Dei virtutes theologales, cardinales iisque adnexas

in modum heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die