Congregatio de Causis Sanctorum 387

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 10 mensis Decembris A. D. 2010.

Angelus Card. Amato, S.D.B.

Praefectus

L. e S.

e Michaël Di Ruberto Archiep. tit. Biccarensis, a Secretis

LISBONENSIS

Beatificationis et Canonizationis Ven. Servae Dei Maria Clarae a Iesu Infante

(in saec.: Libaniae Carmelitidis Galvão Mexia de Moura Telles e Albuquerque),

Fundatricis Congregationis Sororum Franciscalium Hospitalariarum ab Immacu-

lata Conceptione (1843-1899)

DECRETUM SUPER MIRACULO

Venerabilis Serva Dei Maria Clara a Iesu Infante (in saec.: Libania Car-

melitis Galvão Mexia de Moura Telles e Albuquerque), nobili nata est genere

die 15 mensis Iunii anno 1843 in pago v. d. Amadora non longe ab Olisipone,

in Lusitania. Percepta consecratam ad vitam vocatione, in convictum Sancti

Patritii Olisipone iuxta sorores Tertiarias Franciscales Dominae Nostrae ab

Immaculata Conceptione ingressa est; anno 1869 vestem Tertiariarum induit,

nomen Mariae Clarae a Iesu Infante suscipiens. Quia illo tempore leges

Lusitaniae admodum hostiles Ecclesiae Romanae aderant et vitam consecra-

tam omnino vetabant interdicebantque, Serva Dei in Galliam se contulit

iuxta Caletensem monasterium Sororum Franciscalium Hospitalariarum et

Magistrarum in quo novitiatum explevit votaque anno 1871 emisit. Deinde

post reditum in patriam, Maria Clara coenobii Sancti Patritii antistita

constituta est, in quo incepit processum reformationis Congregationum

Franciscalium, initium constituens Sororum Hospitalariarum Pauperum ab

Immaculata Conceptione. Pluribus in difficultatibus nec non in impedimentis

Serva Dei aequo animo munus suum semper promovit, Domino firmissima in