Acta Apostolicae Sedis - Commentarium Officiale386

Instituti. Die 5 mensis Iunii anno 1951 domina Anna Padrós et domina

Fidela Roca, ibidem quoque profuga, orare inceperunt Venerabilem Servam

Dei Annam Mariam Janer Anglarill ut infirma a Domino sanationem asse-

queretur. Etenim, die 9 eiusdem mensis, dum novendiales precationes in

cappella quinto iam die recitabantur, inopinate domina Padrós, e rotali sella

surgens, iuxta normam ambulare coepit; et ulterius examini medicorum sub-

missa est, qui detexerunt dolentes articulationum effectus dilapsos esse et

infirmam plenam earum functionem recepisse.

Congruentia temporis nexusque inter invocationem ad Venerabilem Ser-

vam Dei et sanationem dominae Annae Padrós omnino patuerunt.

De hac sanatione, quae mira est habita, apud Curiam archidioecesanam

Barcinonensem instructus est Processus Ordinarius inter dies 13 mensis Apri-

lis anno 1956 et 15 mensis Aprilis sequente anno. Ibidem quoque, sed multos

post annos, nempe a die 3 ad diem 7 mensis Iulii anno 2001, peracta est

Inquisitio Dioecesana Suppletiva. Iuridica utriusque processus validitas a

Congregatione de Causis Sanctorum approbata est per respectiva Decreta

vulgata die 27 mensis Septembris anno 1986 et die 5 mensis Aprilis anno

2002. Medicorum Dicasterii Consilium, in Sessione habita die 15 mensis No-

vembris anno 2009, agnovit sanationem instantaneam, constantem, perfec-

tam et sub hodiernae scientiae medicae lumine inexplicabilem fuisse. Consul-

tores Theologi, die 31 mensis Ianuarii anno 2010 in Congressu adunati,

positivum tulerunt votum. Die 16 mensis Novembris eiusdem anni Purpurati

Patres et Episcopi in Sessione Ordinaria congregati, Ponente Causae Exc.mo

D.no Raphaelo Martinelli, Episcopo Tusculano, sententiam affirmativam

professi sunt.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Venera-

bilis Servae Dei Annae Mariae Janer Anglarill, Fundatricis Instituti Sororum

a Sacra Familia de Urgell, videlicet de celeri, perfecta ac constanti sanatione

dominae Annae Padrós Sallés a « poliartrite degenerativa-infiammatoria con

impegno poliarticolare e in particolare dell'anca bilateralmente, con grave e

persistente sintomatologia dolorosa e grave limitazione funzionale ».