Congregatio de Causis Sanctorum 385

URGELLENSIS

Beatificationis et Canonizationis Ven. Servae Dei Annae Mariae Janer Anglarill,

Fundatricis Instituti Sororum a Sacra Familia de Urgell (1800-1885)

DECRETUM SUPER MIRACULO

Venerabilis Serva Dei Anna Maria Janer Anglarill die 18 mensis Decem-

bris anno 1800 in urbe Cervera, Leridae in Hispania, orta est e familia pro-

fundis christianis normis ditata. Duodeviginti annos nata apud valetudina-

rium urbis Castelltort de Cervera partes habere incepit Fraternitatis a

Caritate. Religiosa emissa professione, munera sibi assumpsit magistrae no-

vitiarum et moderatricis. Die 29 mensis Iunii anno 1859 Institutum condidit

Sororum a Sacra Familia de Urgell ad christianam pueris et iuvenibus edu-

cationem tradendam et ad infirmos senesque adiuvandos. Totam per eius

vitam tres et viginti ortae sunt Fraternitates. Attamen ob rerum eversionem

anni 1868, innumerae communitates deletae sunt et sorores dispersae. Inter

annos 1874 et 1880 intra ipsum Institutum ostracismum pertulit, cuius causa

exstitit novus rerum ordo quem quidam spiritualis moderator imponere vo-

luit. Anno 1880 in loco Talarn primum Capitulum Generale celebratum est,

quo Venerabilis Dei Serva moderatrix generalis canonice est electa. Quae

tandem hac in Leridensi urbe, sanctitatis fama circumdata, die 11 mensis

Ianuarii anno 1885 animam exhalavit.

Decretum super heroicitate virtutum Servae Dei die 3 mensis Iulii anno

2009 promulgatum est.

Ad beatificationem quod attinet, Postulatio Causae iudicio huius Congre-

gationis de Causis Sanctorum coniectam subiecit miram sanationem quae

Barcinone in Asylo Municipii evenit. Etenim, domina Anna Padrós Sellés

mense Maio anni 1949 hanc Institutionem ingressa est, eo quod decem abhinc

annos rheumatismum deformatum polyarticularem patiebatur, morbum

nempe ex se degenerantem, qui impediebat eam quominus solito more se

moveret, ita ut sella rotali vehi cogeretur.

Hoc funesto statu perpenso, soror Maria Aloisia Font Romeu, quae soda-

lis erat Instituti Sororum a Sacra Familia de Urgell, ad curandos exsules apti,

hortata est eam ut novendiales effunderet preces in honorem Fundatricis