Congregatio de Causis Sanctorum 383

SANCTI SALVATORIS IN BRASILIA

Beatificationis et Canonizationis Ven. Servae Dei Dulcis Lopes Pontes (in saec.:

Mariae Ritae), Sororis professae Congregationis Sororum Missionariarum ab

Immaculata Conceptione Matris Dei (1914-1992)

DECRETUM SUPER MIRACULO

Venerabilis Serva Dei Dulcis Lopes Pontes, in saeculo Maria Rita, die 26

mensis Maii anno 1914 in urbe Sancti Salvatoris in Brasilia nata est e locu-

pleti familia, christianis moribus et sedula caritate insigni. Puella magna

humanitate erga pauperes et inopes excelluit. Confectis superioribus studiis,

vitam consecratam apud Congregationem Sororum Missionariarum ab Im-

maculata Conceptione Matris Dei amplexa est. Postea, officium aegrotorum

ministrae et magistrae exercuit. Animata ferventer studio et industria ad

fidem propagandam, Soror Dulcis tota se etiam institutioni operariorum

tradidit, sed magnanimum munus suum maxime auxilio et curatione ultimo-

rum aegrotorumque explicavit. Serva Dei plene patefecit caritatem suam

instituens sodalitium socialium operum et aedificans aedem convictui aptam,

cui nomen ''Domus Sanctus Antonius''. Postremi menses vitae eius morbo

vexati sunt, quem ea aequo animo plene Christo commendata accepit. Die 13

mensis Martii anno 1992, Sancti Salvatoris in Brasilia in Domino quievit,

mira fama sanctitatis circumdata. Die 3 mensis Aprilis anno 2009 Summus

Pontifex Benedictus XVI heroicitatem virtutum eius decrevit.

Beatificationis Venerabilis Servae Dei respectu, Causae Postulatio iudicio

huius Congregationis de Causis Sanctorum assertam quandam subiecit miram

sanationem, intercessioni eius tributam. Eventus, qui die 12 mensis Ianuari

anno 2001 occurrit in civitate Itabaiana in finibus Sergipe in Brasilia, ad

sanationem dominae Claudiae Christianae Santos pertinet, quae gravi san-

guinis eruptione e vagina post partum afficiebatur et maximum in discrimen

valetudinis ruerat. Variis curis adhibitis, quae omnino vanae evaserant, in-

faustam diagnosim quoad vitam a medicis accepit. Domina Claudia, cum

miram virtutem Sororis Dulcis cognovisset, toto corde ac spe eam oravit

pro sua sanatione. Familiares infirmae etiam, una cum aliis fidelibus, per

noctem inter diem 11 et diem 12 mensis Ianuari anno 2001, ferventem

humilemque precationem inceperunt, rogantes Dominum, intercessione Ser-

vae eius, donum sanationis cognatae suae. Ipso die 12, rapidum provectum