Acta Apostolicae Sedis - Commentarium Officiale388

fide, omnino se praebens pro Sororum animi et spiritus incremento multaque

apostolatus officia gerens. Maria Clara pie Olisipone die 1 mensis Decembris

anno 1899 mortali e vita excessit. Die 6 mensis Decembris anno 2008 Decre-

tum super virtutibus heroicis Servae Dei promulgatum est.

Postulatio Causae, Servae Dei prospiciens beatificationi, examini huius

Congregationis de Causis Sanctorum putatam subiecit miram sanationem

dominae Georginae Trocoso Monteagudo adiudicatam Venerabilis Servae

Dei intercessioni, quae Bajonae in Hispania anno 2003 evenit.

Antecedentibus annis in corpore dominae Georginae tumores, haemato-

mata, plagae ulcerosae praecipue dextro in brachio prodierunt. Plures sectio-

nes chirurgicae frustra adhibitae sunt, condiciones aegrotae eo magis in peius

infandos inter dolores sunt mutatae. Istis in rebus Georgina convertere invo-

cationem Venerabili Servae Dei voluit, sanationem suam impetrans. Hac in

oratione constanti ac continua plures per annos illam sustinuerunt ac comi-

tatae sunt quaedam Sorores Congregationis Franciscalium Hospitaliariarum

ab Immaculata Conceptione. Praeterea illa Georgina brachii in fascis etiam

imaginem Servae Dei Mariae Clarae interposuit. Repente mane die 12 mensis

Novembris anno 2003 aegrota sublatis ligaminibus dextro in brachio invenit

vulnus exsiccatum et dolorem dilapsum esse.

Diuturnitate morbi, ineptis curis, inopinata et constans sanatio sine

recidivis inexpectata et inexplicabilis iudicabatur. Evidens est concursus

temporis et consequentia inter Servae Dei invocationem et sanationem

dominae Georginae. De sanatione, quae mira est habita, iuxta Curiam

Vicensem in Hispania celebrata est a die 24 mensis Ianuarii ad diem 23

mensis Aprilis anni 2005 Inquisitio dioecesana, cuius iuridica validitas ab

hac Congregatione de Causis Sanctorum per Decretum diei 15 mensis

Februarii anni 2008 approbata est.

Omnia acta collecta die 14 mensis Ianuarii anno 2010 delata sunt ad huius

Congregationis Consilium Medicorum, cuius sodales, probata morbi gravitate

et curis non sufficientibus inventis, sanationem declaraverunt e scientiae

legibus inexplicabilem fuisse. Die 15 mensis Iunii anno 2010 actus est Pecu-

liaris Consultorum Theologorum Congressus. Deinceps die 7 mensis Decem-

bris anno 2010 Patres Cardinales et Episcopi in Sessione Ordinaria congregati

sunt, Ponente Causae Exc.mo D.no Laurentio Chiarinelli, Episcopo Viter-

biensi. Et in utroque Coetu, sive Consultorum sive Cardinalium et Episcopo-

rum, posito dubio an de miraculo divinitus patrato constaret, responsum

affirmativum prolatum est.