Acta Apostolicae Sedis - Commentarium Officiale390

munera Pro-Vicarii generalis, Vicarii pro monialibus, Promotoris Iustitiae

apud Tribunal Metropolitanum. In suo explendo ministerio dotibus eminuit

humilitatis et sapientiae, caritatis et fortitudinis.

Cerebrali congestione affectus anno 1936, tres extremos vitae annos vixit

a morbo purificatus, semper tamen promptus ad spirituale auxilium omnibus

se adeuntibus offerendum. Die 7 mensis Maii anno 1939 Augustae Taurino-

rum animam suam Domino tradidit in Parva Domo a Divina Providentia.

Die 6 mensis Aprilis anno 1998 Decretum super virtutibus heroicis Servi Dei

promulgatum est.

Ad Beatificationem quod attinet, Postulatio Causae examini porrexit

miram pueri Silvii Guizza assertam sanationem, quae in archidioecesi Tauri-

nensi mense Iunio anno 1946 evenit a meningoencephalite virali acuta. Die

enim 17 mensis Iunii anno 1946, undecim fere annos natus, puer Silvius

asthenia et febri ex improviso affectus est. Sequentibus diebus revelata sunt

incommoda visionis, tetralogia et aphasia motorica. Parentes eius, ambo

medici pediatri, aliique experti clinicam edixerunt diagnosim meningoence-

phalitis viralis. Pueri morbus tractatus est cum penicillina et materni san-

guinis transfusione, absque positivo exitu, immo status in peius ruit cum

respirationis insufficientia et vitae discrimine.

Hunc funestum valetudinis statum perpendentes, duae sorores religiosae,

administrae apud Taurinense Valetudinarium « Maria Victoria », parentes

pueri infirmi hortatae sunt ut intercessionem peterent Venerabilis Servi

Dei Francisci Paleari. Die 22 mensis Iunii ferventes effusae sunt preces ad

eum; et, dum valetudinis condiciones ingravescebant, puer tamen placido

captus est somno. Dum expergiscebatur serotinis horis, Silvius ex seipso

tintinnabulum habitaculi pulsavit ut parentes arcesseret et subridens referret

se sanatum percipi. Inde ab illo instanti normalem agendi modum resumpsit,

atque sequentes inspectiones clinicae restitutam confirmaverunt valetudi-

nem.

Inquisitio Dioecesana huius coniectae sanationis instructa est apud

Curiam ecclesiasticam Taurinensem a die 3 mensis Novembris anni 2005 ad

diem 10 mensis Martii anni 2006; vis iuridica et auctoritas eius agnitae sunt a

Congregatione de Causis Sanctorum Decreto diei 30 mensis Novembris anno

2006; Sessio Consilii Medici habita est die 18 mensis Decembris anno 2008;

Congressus autem Consultorum Theologorum actus est die 29 mensis Aprilis

anno 2009 qui responsum protulit affirmativum. Patres Cardinales et

Episcopi in Sessione Ordinaria congregati sunt die 9 mensis Novembris anno