81. (3. ) In Natali Innocentium.

1. Hymnum canentes martyrum Dicamus innocentium, Quos terra flentes perdidit, Gaudens sed aethra suscipit,

2. Vultum patris per saecula Quorum tuentur angeli Eiusque laudant gratiam Hymnum canentes martyrum.

3. Quos rex peremit impius, Pius sed auctor colligit Secum beatos collocans In luce regni perpetis.

4. Qui mansiones singulis Largitus in domo patris, Donat supernis sedibus, Quos rex peremit impius.

5. Bimos et infra purvulos Herodis ira perculit Finesque Bethlemiticos Sancto respersit sanguine.

6. Praeclara Christo splenduit Mors innocens fidelium, Caelis ferebant angeli Bimos et infra parvulos.

7. Vox in Rama percrebuit Lamenta luctus maximi, Rachel suos cum lacrimis Perfusa flevit filios.

8. Gaudent triumpho perpeti, Tormenta quique vicerant, Quorum gemens ob verbera Vox in Rama percrebuit.

9. Ne, grex pusille, formides Dentes leonis perfidos, Pastor bonus nam pascua Vobis dabit caelestia.

10. Agnum Dei qui candidum Mundo sequeris tramite, Manus latronis impias Ne, grex pusille, formides.

11. Absterget omnem lacrimam Vestris pater de vultibus, Mors vobis ultra non nocet Vitae receptis moenibus.

12. Qui seminant in lacrimis, Longo metent in gaudio, Genis lugentum conditor Absterge tomnem lacrimam.

13. 0 quam beata civitas, In qua redemptor nascitur Natoque primae martyrum In qua dicantur hostiae;

14. Nunquam vocaris parvula In civitatum milibus, Ex qua novus dux ortus est, 0 quam beata civitas!

15. Astant nitentes fulgidis Eius throno nunc vestibus, Stolas suas qui laverant Agni rubentes sanguine.

16. Qui perpetis pro patriae Regno gementes fleverant, Laeti Deo cum laudibus Astant nitentes fulgidis.