▾
Bede the Venerable, Analecta Hymnica – L. Hymnographi Latini. Series Altera
⎗←→⎘
▾
Beda Venerabilis, Monachus Wirimundensis, d. 735.
79. (1. ) Hymnus sanctae Edilthridae.
80. (2. ) De Operibus VI dierum et de VI aetatibus.
81. (3. ) In Natali Innocentium.
82. (4. ) In Ascensione Domini.
83. (5. ) In Die Sancto Pentecostes.
84. (6. ) In Natali s. Agnetis.
85. (7. ) In Nativitate s. Iohannis Bapt.
86. (8. ) In Natali ss. Petri et Pauli.
87. (9. ) In Decollatione s. Iohannis Bapt.
88. (10. ) In Natali sanctae Dei Genetricis.
89. (11. ) In Natali sancti Andreae.
90. (12. ) In Natali sancti Andreae.
91. (13. ) In Resurrectione Domini.
93. (15. ) Solil oquium venerabilis Bedae presbyteri de Psalmo XLI.
94. (16. ) Carmen venerabilis Bedae presbyteri de Psalmo CXII.
1. Illuxit alma saeculis Dies beatae virginis, Qua morte victa perpetis Vitae recepit gaudia.
2. Intravit Agnes auream Poli triumphans regiam Agnique iuncta dulcibus Congratulatur nuptiis.
3. Admixta castis virginum In arce caeli coetibus Carmen novum Deo patri Unaque nato personat.
4. Iam digna tali praemio, Quae fluxa mundi prospera Pompasque saecli sordidas Amore Christi spreverat.
5. Pulsata nec non asperis Adversitatum spiculis, Fortis fide perseverat, Christo semel quam voverat.
6. Hostis ferox ab artubus Tulit puellae pallium, Stolam sed intus pectoris Auferre nemo quiverat.
7. Quin Christus et forinsecus Mittit poderem virgini, Hanc veritatis intimo Docens amictam linteo.
8. Inducta in aedem sordium, A sorde martyr libera est, Quin de loco prostibuli Precum repente fit locus.
9. Illuminatur caelitus
Latebra quondam daemonum, Pulsoque leti principe Vitae minister cernitur.
10. Probi probant magnalia Deumque honorant martyris, Illusor at miraculi Mox morte digna plectitur.
11. Ab inferi quem Januis Martyr beata suscitans Sic per lares ac ferreas Ad astra portas praevolat.
12. Qua conditoris gloriam Cernit sui per saecula Cives et inter patriae Caelestis hymnos concinit.