▾
Bede the Venerable, Analecta Hymnica – L. Hymnographi Latini. Series Altera
⎗←→⎘
▾
Beda Venerabilis, Monachus Wirimundensis, d. 735.
79. (1. ) Hymnus sanctae Edilthridae.
80. (2. ) De Operibus VI dierum et de VI aetatibus.
81. (3. ) In Natali Innocentium.
82. (4. ) In Ascensione Domini.
83. (5. ) In Die Sancto Pentecostes.
84. (6. ) In Natali s. Agnetis.
85. (7. ) In Nativitate s. Iohannis Bapt.
86. (8. ) In Natali ss. Petri et Pauli.
87. (9. ) In Decollatione s. Iohannis Bapt.
88. (10. ) In Natali sanctae Dei Genetricis.
89. (11. ) In Natali sancti Andreae.
90. (12. ) In Natali sancti Andreae.
91. (13. ) In Resurrectione Domini.
93. (15. ) Solil oquium venerabilis Bedae presbyteri de Psalmo XLI.
94. (16. ) Carmen venerabilis Bedae presbyteri de Psalmo CXII.
Hymnus prior.
1. Nunc Andreae sollemnia Laetis canamus mentibus, Apostolatus gloriam Qui ornat triumpho sanguinis.
2. Quem piscibus per turbida Dum rete nectit aequora, Christus vocavit cum suis Ad regna caeli fratribus
3. Misitque late gentibus Verbum salutis pandere Ac saeculi de fluctibus Mentes levare credulas.
4. Qui mox fidei lampade Dum lustrat oras Graeciae, Dieque Christi fulgidus Erroris umbras effugat.
5. Achaeus armis adpetit Dux lucis arma tetricis, Miles Dei sed fortiter Hostis repellit impetum.
6. Pandit crucis mysteria, Quae dira mortis pristinae Solvit potenter vincula Mundoque vitam contulit.
7. Agni refert et hostiam, Qui nos ab hoste liberans Vita beat trans aethera Regnoque secum perpeti.
8. Inclusus atro carcere Lucis minister aurea Pacis vias ad sidera Pandit catervis plebium.
9. Caesus flagellis septies Tormenta risit omnia, Septena quem repleverant Iam dona sancti spiritus.
10. Taudem levatus in crucem Terram reliquit sordidam Mundisque felix passibus Poli petivit ianuas.
11. Excepit alma civitas
Nostrumque mater omnium Laetata Christi martyrem Apostolumque maximum.
12. Congaudet omnis civium Nobis chorus caelestium Magni videns perennia Nunc Andreae sollemnia.