▾
Bede the Venerable, Analecta Hymnica – L. Hymnographi Latini. Series Altera
⎗←→⎘
▾
Beda Venerabilis, Monachus Wirimundensis, d. 735.
79. (1. ) Hymnus sanctae Edilthridae.
80. (2. ) De Operibus VI dierum et de VI aetatibus.
81. (3. ) In Natali Innocentium.
82. (4. ) In Ascensione Domini.
83. (5. ) In Die Sancto Pentecostes.
84. (6. ) In Natali s. Agnetis.
85. (7. ) In Nativitate s. Iohannis Bapt.
86. (8. ) In Natali ss. Petri et Pauli.
87. (9. ) In Decollatione s. Iohannis Bapt.
88. (10. ) In Natali sanctae Dei Genetricis.
89. (11. ) In Natali sancti Andreae.
90. (12. ) In Natali sancti Andreae.
91. (13. ) In Resurrectione Domini.
93. (15. ) Solil oquium venerabilis Bedae presbyteri de Psalmo XLI.
94. (16. ) Carmen venerabilis Bedae presbyteri de Psalmo CXII.
1. Laetare, caelum, desuper, Adplaude, tellus ac mare, Christus resurgens post crucem Vitam dedit mortalibus.
2. Iam tempus acceptum redit, Dies salutis cernitur, Quo mundus agni sanguine Refulsit a nigredine.
3. Crux namque sacratissima Ligni prioris vulnera In patre nostri seminis Sanavit hostem saucians.
4. Mors illa, mortis passio Est criminis remissio, Illaesa virtus permanet, Victus dedit victoriam.
5. Miretur omne saeculum Crucis triumphum mysticae, Haec signa congruentia Velut tropaeum praesto sunt.
6. Sol namque, magnum luminar, Horas dierum permeans, Viso novo mysterio Decepit orbem territus.
7. Velans caput caligine Extinxit omnem lampadem, Errare noctem passus est Meridiano tempore.
8. Finduntur et fortes petrae, Hiantur antra plurima, Defuncta surgunt corpora, Vitae redduntur mortui.
9. Immitis ille tartarus, Ad se trahentis omnia Praesentiam non sustinens, Auimas[que] sanctas reddidit.
10. Nostrae fuit gustus spei Hic, ut fideles crederent Se posse post resurgere, Vitam beatam sumere.
11. Nunc ergo pascha candidum Causa bonorum talium Colamus omnes strenue Tantis renatis fratribus.