CAPUT VI.

Qualiter sorores non recipiant possessionem aliquam vel proprietatem per se vel per interpositam personam.

Abbatissa cum omnibus sororibus solicitae sint sanctam paupertatem, quam Domino Deo promiserunt, custodire, et eandem teneantur abbatissae futurae et sorores omnes usque in finem inviolabiliter observare, videlicet in non recipiendo seu habendo possessionem vel proprietatem per se nec per interpositam personam, seu etiam aliquid, quod rationabiliter proprietatis dici potest, nisi quantum terrae pro honestate et renovatione monasterii necessitas requirit. Et illa terra non laboretur, nisi pro horto ad necessitatem ipsarum.