Congregatio de Causis Sanctorum 651

anno 1968 Congregatio de Causis Sanctorum Decretum super scriptis Servae

Dei et, die 28 mensis Februarii anno 1987, Decretum super Processuum

validitate iuridica publici iuris fecit. Positione confecta, secundum praxim

quaesitum est utrum Serva Dei virtutes christianas heroico modo

exercuisset. Die 2 mensis Februarii anno 2010 Congressus Peculiaris

Consultorum Theologorum favorabilem sententiam prompsit. Patres

Cardinales et Episcopi, in Sessione ordinaria diei 16 mensis Martii currentis

anni 2011, audita relatione Exc.mi D.ni Edmundi Farhat, Archiepiscopi tit.

Bybliensis, Causae Ponentis, declaraverunt Servam Dei virtutes theologales,

cardinales et adnexas heroice exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Mariae Do-

lorosae (in saec.: Liberae Italiae Mariae Inglese), Sororis Professae Congrega-

tionis Servarum Mariae Reparatricum, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 2 mensis Aprilis A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis