Acta Apostolicae Sedis - Commentarium Officiale662

1954, cuius iuridicam auctoritatem hoc Dicasterium agnovit per Decretum

die 31 mensis Martii anno 2008. Medicorum Consilium, in sessione diei

4 mensis Martii anno 2010, sanationem recognovit celerem, perfectam et

inexplicabilem ex hodierna scientia medica. Peculiaris Consultorum Theolo-

gorum Congressus die 19 mensis Novembris anno 2010 habitus est, positivo

cum exitu. Sessio Ordinaria Patrum Cardinalium et Episcoporum acta est

die 5 mensis Aprilis anno 2011, Causae Ponente Excellentissimo Domino

Laurentio Chiarinelli, Episcopo emerito Viterbiensi. Et in utroque coetu, sive

Consultorum sive Cardinalium et Episcoporum, posito dubio an de miraculo

divinitus patrato constaret, responsum affirmativum prolatum, est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven.

Servi Dei Mariani Arciero, Sacerdotis dioecesani, videlicet de celeri, perfecta

ac constanti sanatione dominae Conceptae Siani a « peritonite tubercolare

post-primaria ad evoluzione fibro-nodulare, con andamento cronico ingravescente

e gravissima compromissione dello stato generale della paziente ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Iunii A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis