Congregatio de Causis Sanctorum 661

gubernationis Congregationis Assumptae dicatae officium exercuit. Inter

discipulos eius etiam recensetur Beatus Vincentius Romano. Magna cum

diligentia apostolatum suum persecutus est; cathechismum composuit perdi-

vulgatum; validus consiliarius et confessarius reputatus est. Spiritum exha-

lavit, uti praedixerat, die 16 mensis Februarii anno 1788, unum et octoginta

annos agens aetatis. Venerabilis Servi Dei decretum super virtutibus promul-

gatum est die 14 mensis Augusti anno 1854 a Summo Pontifice Pio IX.

Ad Beatificationem quod attinet, Postulatio Causae examini huius

Congregationis de Causis Sanctorum praesumptam subiecit miram dominae

Conceptae Siani sanationem, Contursi eventam anno 1951, a peritonitide

tuberculari. Decem ante annos, mulier, quae illo tempore duodequadraginta

annos aetatis habebat, aliquot dolores animadvetere inceperat in abdomine

una cum taedio, cibi fastidio, nausea, interdum vomitione, levi febri vesper-

tina. Post non multos dies, hae valetudinis perturbationes creverunt. Cum

Concepta manifestam tabem atque conspicuum abdominis magnitudinis

incrementum vidisset, graviter anxia ad medicorum curas occurrit. Tunc

curationes impositae sunt infirmae, scilicet calcii iniectiones, quae tamen

nihil profuerunt illi, quoniam medicus saepe aliquid liquidi e peritoneo

extrahere potuit.

Die 15 mensis Octobris anno 1950, exuviae Venerabilis Mariani Arciero ab

urbe Neapoli translatae sunt Contursim et, illa data occasione, imagunculae

Servi Dei editae sunt et omnibus praesentibus distributae. His in adiunctis,

infirma imagunculam supra abdomen collocavit et statim melius se habere

coepit. Concepta insequentibus diebus Dominum semper rogavit ut per Servi

Dei Mariani Arciero intercessionem sanaretur. Vespere autem diei 26 mensis

Ianuarii anno 1951, adeo gravissimos dolores sensit, ut et ipsa et familiares

mortem imminentem esse putarent. Tunc accepit potionem chamaemeli et

paulo post obdormivit. Hora fere secunda ante matutinum diei 27 aegrota e

somno se excitavit, toto suo corpore sudore madido, ac repente se valere

percepit. Soror et frater eius, qui cum ea morabantur, recognoverunt etiam

ingentem abdominis tumorem dilapsum esse. Sequenti mane, Concepta sine

difficultate pedibus suis ad medicum se contulit, qui eam inspiceret. Ipse

medicus obstupescens dixit nullam ex legibus scientiae medicae dari posse

explicationem de hac repentina infirmae sanatione.

De hoc eventu, intercessioni Venerabilis Servi Dei Mariani Arciero statim

adscripto, apud Campaniensem Curiam actus est Processus Apostolicus a die

11 mensis Februarii anno 1953 usque ad diem 17 mensis Novembris anno