Acta Apostolicae Sedis - Commentarium Officiale650

Post obitum matris, Serva Dei in animo habuit propositum communita-

tem religiosarum excitandi, quae reparationi incumberent; sed, ex consilio

Episcopi loci, colloquium habuit cum Maria Elisa Andreoli, quae Adriae

Congregationem Sororum Servarum Mariae fundaverat: haec, animo devicta

verbis Servae Dei, eius propositum reparationis assumpsit ut unum ex

praecipuis aspectibus devotionis marialis fundationis suae: « servitium et

reparatio » inde ab anno 1913 facta sunt notae peculiares Congregationis,

in titulo expressae « Servae Mariae Reparatrices ».

Die 29 mensis Decembris anno 1911 Serva Dei, dictam Congregationem

ingressa, nomen sumpsit sororis Mariae Dolorosae a Reparatione. Emissa

votorum professione, paucis post diebus electa est in Priorissam domus no-

vitiarum Rhodigii et in Moderatricem Operis Reparationis. Dein munere

Vicariae Generalis Congregationis functa est usque ad finem vitae. Huiusmo-

di munere Maria Dolorosa Fundatrici adstitit, eamque adiuvit in excitanda

Congregatione, in edendis scriptis, quibus propagaretur cognitio Virginis Ma-

riae et propositi Instituti. Hoc aperte indicant epistulae eius datae ad multas

Sorores, plerasque in terra missionis degentes, quarum necessitatibus subve-

niebat illasque excitabat ut propriam vitam offerrent et opus reparationis

diffunderent.

Infirmiore in dies valetudine Maria Dolorosa laborare incepit, adeo ut,

contagionis vitandae causa, ab aliis Sororibus fere seiuncta vivere cogeretur.

Tali in solitudine ad Domini adventum prorsus sese disposuit et, exemplum

Virginis Matris sequens, Deo oblationem propriae vitae renovavit, ut quid de

suo conferret redemptioni Christi, « penitus manibus divinae Providentiae

commissa, quae omnia videt », certitudine mota « voluntatem Domini exsequi

nihil aliud esse quam continuam orationem » et ab omnibus Deo serviendum

esse « non sicut nos volumus, sed sicut Ipse vult ».

Die 29 mensis Decembris anno 1928, die sabbati, adstante tota commu-

nitate, dum recitabantur Litaniae Lauretanae, in Domino requievit. Notitia

illico per urbem diffusa est ex hac vita migrasse sanctam illam sororem « de

Via Bagni ». Funera eius peracta sunt in ecclesia cathedrali Rhodigiensi cum

ingenti populi concursu et omnium, qui funeribus interfuerant, magna

animorum commotione.

Cum Servae Dei fama sanctitatis divulgaretur, in Curia episcopali

Adriensi-Rhodigiensi a die 12 mensis Aprilis anno 1956 usque ad diem 2

mensis Februarii anno 1965 actus est Processus Informativus dioecesanus;

dein in Urbe celebratus est Processus Apostolicus. Die 21 mensis Decembris