Acta Apostolicae Sedis - Commentarium Officiale664

in modum se gessit ad reficiendos et iuvandos omnes qui febri sic dicta

« hispanica » erant correpti.

Interim diligenti cura comitari pergebat adulescentes et iuvenes Oratorii,

quorum numerus magis in dies augebat, ita ut conclavia paroeciae insuffi-

cientia fierent. Quae quamvis ita essent, Servus Dei animo se non demisit, sed

opportunum repperit tempus innovandi munus apostolicum. Itaque alienans

patrimonium familiare, acquisivit quoddam expristinum cum eius vicinis

spatiis, in paupere et corrupta regione situm, ibique aperuit «Novum Orato-

rium Sancti Philippi Nerii ad infantiam derelictam redimendam ». Dum in

contextu illo morali et materiali miseria affecto versaretur, Servus Dei

omnibus omnia factus est, immo rebus sibi necessariis se privavit, ut oppe-

teret exigentias familiarum ac praesertim puerorum, pro quibus promovit

quoque scholam infantiae et centrum post-scholam; ac praeterea pro puellis

adulescentibus instituit laboratorium consuturae et operis plumarii, novum

illis afferens prospectum in futurum. Recuperavit adultos a plaga analpha-

betismi, nec infirmos et senes suo privavit auxilio; exsules quoque ac tsigani

illius subsidiis frui potuerunt. Perpenso hoc extraordinario caritatis miraculo,

ii quoque qui avversabantur ei, sententiam mutaverunt voluntati eius sese

subicientes.

Primarius finis Operis Servi Dei Raphaelis idem semper exstitit, nempe

ad Deum omnes perducendi. Missae Sacrificium et protracta eucharistica

adoratio fastigium constituerunt et fontem cuiusque diei, quibus additur

filialis cultus ad Beatissimam Virginem Mariam. Indefessum se praebuit in

praedicatione et actione catechetica, quas extendere potuit ad omnem aeta-

tem et ad personas cuiusque ordinis socialis, quos in sede quoque laboris

adibat. In omnium manibus deposuit Sanctum Evangelium. Confessionale

privilegiata sedes fuit ad regenerationem afferendam animasque moderan-

das. Fulgens praecipue eius vitae testimonium mutatum est in invitamen-

tum vocationale, adeo ut, praeter complures laicos propriis officiis iam in-

tentos, hac in schola innumeri formarentur candidati ad sacerdotium et ad

vitam consecratam. Servus Dei excogitavit missionem suam veluti propaga-

tionem missionis Christi, Summi et Aeterni Sacerdotis, quam, servitii omni-

modaeque deditionis spiritu ductus, suo in contextu manifestam reddidit

illam.