Acta Apostolicae Sedis - Commentarium Officiale648

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia, Fortitudine iisque adnexis, in gradu heroico Servae Dei Irenae

Stefani (in saec.: Aureliae Iacobae Mariae a Mercede), Sororis Professae Insti-

tuti Sororum Missionariarum a Consolata, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 2 mensis Aprilis A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

ADRIENSIS

Beatificationis et Canonizationis Servae Dei Mariae Dolorosae (in saec.: Liberae

Italiae Mariae Inglese), Sororis Congregationis Servarum Mariae Reparatricum

(1866-1928)

DECRETUM SUPER VIRTUTIBUS

« O quam bona est Sanctissima Virgo Maria! Ipsa certe bonitate Dei abun-

dat, qui eam elegit ut in nostri exsilii terram immensos divinae misericordiae

thesauros effunderet ».

His verbis summae admirationis erga Dei misericordiam et maternam

Virginis Sanctae bonitatem, efficaci simplicitate patefacit vita et missio

Servae Dei Mariae Dolorosae Inglese.

Serva Dei Rhodigii nata est die 16 mensis Decembris anno 1866. In

baptismo ei data sunt nomina Libera Italia Maria, sed iam a puellula solo

nomine Mariae vocari voluit. Patavii, quo familia sua commigraverat,

pueritiam transegit non sine tristitia et difficultatibus, quae eius delicatum

animum percusserunt, praesertim cum pater et soror Clementina e vita