Congregatio de Causis Sanctorum 647

rum percurrebat ut illis, simul cum medicinis, hoc maximum donum, nempe

baptismum porrigeret.

Hanc mirandam caritatis et nuntii deditionem Serva Dei eucharistico

convivio, oratione et virtutum christianarum consiliorumque evangelicorum

exercitio iugiter nutriebat, fastigium attingens per omnimodam suiipsius do-

nationem, ita ut a sua Moderatrice consensum obtinuerit propriam vitam pro

bono Missionis Domino offerendi. Dum grassabatur pestilentia, non obstante

corporis debilitate qua affligi coepta erat, quondam se sistit coram infirmo

qui offenderat eam ob conatum occupandi officium eius in schola. Tunc

contagione infecta est ac brevi tempore in vitae finem redacta. In lecto mortis

iacens persensit illam attigisse aspirationem qua totam per vitam ducta est;

en eius extrema verba: « Tota ad Iesum pertineo, sine fine, in aeternum! ».

Vespere diei 31 mensis Octobris anno 1930, undequadraginta aetatis annos

agens, animam exhalavit.

Cives Africani firmiter edixerunt: « Ad mortem ducta est non ob infirmi-

tatem; ducta est ob amorem ». Tale exstitit sigillum eius exsistentiae heroica

caritate signatae, qua de causa diffusam reliquit famam sanctitatis. De quo

eloquens testificatio fuit frequens series fidelium qui exuvias eius venerati

sunt atque profusa omnium comploratio: quod, attenta illius populi cultura,

nimis mirum visum est, ita ut Moderatrix Missionariarum sequentem

nuntium Instituto dederit: «Mulier sancta obiit! ».

Vigore huius diffusae famae sanctitatis, duae instructae sunt Inquisitio-

nes dioecesanae, alia in dioecesi Nyeriensi a die 30 mensis Martii anno 1984 ad

diem 26 mensis Novembris anno 1986, et alia in archidioecesi Taurinensi a die

19 mensis Octobris anno 1984 ad diem 30 mensis Octobris anno 1988. Qua-

rum iuridicam auctoritatem approbavit Congregatio de Causis Sanctorum

Decretum edens die 29 mensis Ianuarii anno 1993. Confecta Positione, iuxta

suetum procedendi modum, disceptatum est an Serva Dei heroico gradu

virtutes exercuerit. Congressus Peculiaris Consultorum Theologorum die 7

mensis Maii anno 2010 faventem protulit sententiam. Purpurati Patres et

Episcopi, in Sessione Ordinaria die 15 mensis Februarii anno 2011 congregati,

audita relatione Ponentis Causae, Exc.mi D.ni Marcelli Semeraro, Episcopi

Albanensis, edixerunt Servam Dei theologales, cardinales eisque adnexas

virtutes heroice esse exsecutam.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, ipse Beatissimus

Pater, vota Congregationis de Causis Sanctorum excipiens rataque habens,