Congregatio de Causis Sanctorum 655

KATOVICENSIS

Beatificationis et Canonizationis Servae Dei Laurae Meozzi, Sororis professae

Congregationis Filiarum Mariae Auxiliatricis (1873-1951)

DECRETUM SUPER VIRTUTIBUS

« Anima et corpore cum Iesu cruci affigi, constanter consummari.

Ascendere, per viam crucibus stratam semper ascendere; minime se retrahere

et in labiis risum praebere... Per amorem et per dolorem se in Iesum

transformare ».

Ad hunc sensum, quem ipsa Dei Serva Laura Meozzi significaverat, totam

suam vitam intendit: in eo quidem exhibentur et propositum cordis eius

versus sanctitatem et intima communicatio profundae fidei, quae eam eius

Sponso similem reddidit.

Florentiae die 5 mensis Ianuarii anno 1873 e familia opibus instructa

ortum habuit et post tres dies ad baptismalem fontem est translata. Vix

decurso tempore eius infantiae in terra natali, anno 1877 administrationis

rerum causa, familia Romam se transferre debuit. Hac in urbe Laura scholas-

tica studia frequentavit apud collegium Sororum a Sancta Dorothea, ubi

accuratam suae indolis formationem accepit; peculiarem in modum per assi-

duam eucharisticam communionem et annua exercitia spiritualia iuvenis

Laura in se amorem erga Iesum fovebat, desiderium nutriens magis magisque

cum Ipso se coniungendi, simulque in misericordiae opera incumbens. Illis

annis se a Domino vocari ad vitam consecratam perspicue percepit, ita ut,

aliquot superatis familiae difficultatibus, anno 1896 Serva Dei apud Institu-

tum Filiarum Mariae Auxiliatricis iter formationis inceperit.

Religiosis emissis votis, soror Laura assiduum opus docentis implevit,

quod maximi aestimatum est praesertim ob singularem sensum maternitatis

apud alumnas collegii et iuvenes mulieres plebeias, quae confluebant ad

oratoria, laboratoria aliasque formas aggregationis, quas ipsa maximopere

proponebat. Thesauros suae prudentiae formativae ac peritiae didacticae

reservabat sororibus, docentibus aliisque, quas omnes his verbis saepe horta-

batur: « Primum matres estote, deinde docentes ».

Anno 1922 Generale Capitulum Instituti missionarium ambitum dilatare

decrevit. Soror Laura, quinquaginta fere annos aetatis, missa est ad regen-

dam primam communitatem in Polonia, nempe ad oppidum Różanystok,