Acta Apostolicae Sedis - Commentarium Officiale656

ad regionem septentrionalem orientalem nationis. Ibi una cum sororibus in

paupere tugurio ligneo hospitium invenit et, accommodatis casulis

praeexsistentibus antiqui valetudinarii militaris, exstruendum curavit pri-

mum collegium pro pueris qui priore bello mundiali crudeliter vexati erant.

Perpensa Episcopi Vilnensis hortatione, anno 1924 illa communitas religiosa

curare etiam coepit iuvenes, difficultatibus socialibus ac difficili indole

affectas. Annorum decursu varia sunt propagata opera, nempe collegium

pro studentibus, scholae diversae, cursus caesionis et confectionis vestium

pro adulescentibus, amplum oratorium ad cooperationem paroecialem,

denique primus noviciatus in oppido Różanystok.

Ardua Servae Dei operositas fide inconcussa in Providentiam firmabatur.

Ipsa misericors Cor Iesu ferventi cultu prosequebatur, et ex assidua eucha-

ristica participatione lumen hauriebat et fortitudinem ad cotidianam vitam

gerendam. « Iesum tantummodo diligere et quaerere; pro Eo vivere et opera-

ri! », ecce eius spirituale propositum; et in hac cum Domino communione

vitam egit virtutes et consilia evangelica iugiter excolens. Consorores mode-

rabatur prudentiam exercens et iustitiam; fortiter suaviterque difficultates

oppetebat; sincero ac constanti caritatis spiritu, simul cum integritate et

comitate, fratribus inserviebat.

Anno 1931 omnes communitates in Polonia exsistentes erectae sunt in

Visitatoriam, id est quasi-Provinciam. Interim alterum supervenit bellum

mundiale, quod, inter cetera, induxit ad Germanicam ac deinde Sovieticam

occupationem religiosarum domuum regionis centralis et meridionalis.

Sorores confugere sunt coactae aliae ad nonnullas familias, aliae ad

quandam sedem Salesianam, aliae vero sub pyrobolis perierunt vel

deportatae sunt aut in Germaniam aut in Siberiam. Soror Laura, in

Italiam regredi nolens, manere statuit apud suas filias Polonas, earumque

pericula et tribulationes communicare. Bello iam composito, Serva Dei opus

incepit varias communitates restaurandi, quadam cum prospera sorte,

recipiendo res quae permanserant in domibus olim conditis, et novum

movens impulsum ad opus materialis et moralis restitutionis gentium loci.

Status tamen eius physicus, canceroso morbo oppressus, qui ob incommoda

et labores in deterius ruebat, debilitatis et prostrationis indicia ostendere

coepit, quae in dies celeriter ingravescebant, graves ei afferentes dolores.

Supremum exsequens actum fidentis deditionis, suam Domino oblationem

consummavit, in cuius misericordes manus suum tradidit spiritum noctu

diei 30 mensis Augusti anno 1951.