Congregatio de Causis Sanctorum 663

TRANENSIS -BAROLENSIS -VIGILIENSIS

Beatificationis et Canonizationis Servi Dei Raphaelis Dimiccoli, Sacerdotis

dioecesani (1887-1956)

DECRETUM SUPER VIRTUTIBUS

« O Iesu, mi dilecte, Totus meus, gaudium meum! Diligo Te, admodum

Te diligo, Te iugiter diligere cupio. Mundus non amplius ad me pertineat.

Meis in votis est ut omnes animae, omnes mihi concreditae non tantum

serventur, verum etiam in Caelum ascendant ut summo sublimique modo

Te glorificent ».

De quadam agitur ferventi deprecatione, deprompta ex textu cui titulus

Supplica, quem Servus Dei Raphael Dimiccoli ad pedes Eucharistiae feria V

Hebdomadae Sanctae quotannis deponebat: in ea lineamenta exhibentur

quae exsistentiam promoverunt et opus apostolicum huius presbyteri ad

maiorem Dei gloriam animarumque salutem prorsus dediti.

Servus Dei die 12 mensis Octobris anno 1887 Baroli natus est ex familia

ruricola, opibus bene instructa ac christiana fide suffulta. Ad baptismalem

fontem ductus nomen assumpsit Angeli Raphaelis, et ad christianam vitae

visionem formatus est necnon ad profundum orationis spiritum. Inde ab

infantia vocationis ad sacerdotium indicia persensit, idcirco diversa frequen-

tavit religiosa Instituta, qualia sunt Schola Apostolica Sacerdotum Missionis

in loco Ceccano provinciae Frusinonis, Collegium Gregorianum in Urbe,

Seminarium dioecesanum Vigiliense provinciae Bariensis, Collegium "Argen-

tum" ex Societate Iesu in urbe Lycia. Viam persequens formationis pietate

usque eminuit et progressu scholastico, quapropter sibi fiduciam comparavit

superiorum et affectum amicorum. Sacro presbyteratus ordine auctus est die

30 mensis Iulii anno 1911.

Prima pastoralis statio Baroli fuit apud paroeciam terrae natalis « sancti

Iacobi Maioris », ubi munus implevit viceparochi ac simul rectoris Oratorii

Sancti Philippi Nerii. Ipsis annis primum mundiale bellum exarsit. Quae

omnia acerba cum essent, Servus Dei admodum se praebuit sollicitum de

orphanis et viduis sublevandis; condidit insuper «Domum Militis » pro mili-

tibus Baroli degentibus necnon pro sacrorum alumnis ad militiae munus

coactis. Bello confecto, summum contagii periculum posthabens, heroicum