Acta Apostolicae Sedis - Commentarium Officiale654

Serva Dei hac amoris oblatione consumpta, sacramentis refecta, die 24

mensis Aprilis anno 1926, octogesimum aetatis annum agens et septuagesi-

mum fere in monasterio, pie in Domino requievit.

Fama sanctitatis, qua in vita claruit, iuxta Curiam Senogalliensem cele-

brata est Inquisitio dioecesana a die 25 mensis Martii 1987 ad diem 1 mensis

Octobris 1988, cuius iuridica validitas a Congregatione de Causis Sanctorum

per Decretum diei 22 mensis Maii 1992 est approbata. Exarata Positione,

disceptatum est secundum normas, an Serva Dei heroice virtutes excoluisset.

Die 17 mensis Aprilis anno 2010 habitus est Congressus Peculiaris Consulto-

rum Theologorum, positivo cum exitu. Patres Cardinales et Episcopi in Ses-

sione Ordinaria die 5 mensis Aprilis 2011 congregati, Ponente Causae Cardi-

nale Paulo Sardi, agnoverunt Servam Dei virtutes theologales, cardinales

eisque adnexas heroicum in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine iisque adnexis in gradu heroico, Servae Dei Mariae

Iosephinae Benvenuti (in saec.: Zeinab Alif), Monialis Professae Ordinis

S. Clarae, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Iunii A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis