Congregatio de Causis Sanctorum 657

Perpensa eius sanctitatis fama, apud Curiam dioecesanam Katovicensem

a die 1 mensis Octobris anno 1986 ad diem 15 mensis Aprilis anno 1989

instructa est Inquisitio dioecesana, cuius iuridicam auctoritatem approbavit

Congregatio de Causis Sanctorum Decretum vulgans die 16 mensis Decembris

anno 1994. Confecta Positione, disceptatum est, ex consueto agendi modo, an

Serva Dei heroum in modum christianas exercuisset virtutes. Positivo cum

exitu die 25 mensis Septembris anno 2010 actus est Peculiaris Congressus

Consultorum Theologorum. Patres Cardinales et Episcopi, in Ordinaria

Sessione die 12 mensis Aprilis anno 2011 congregati, audita relatione Ponen-

tis Causae, Exc.mi D.ni Raphaelis Martinelli, Episcopi Tusculani, edixerunt

Servam Dei heroico in gradu theologales, cardinales iisque adnexas virtutes

exsecutam esse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum

in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servae Dei Laurae

Meozzi, Sororis Professae Congregationis Filiarum Mariae Auxiliatricis, in casu

et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Iunii A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis