Acta Apostolicae Sedis - Commentarium Officiale658

ROMANA et CUERNAVACENSIS

Beatificationis et Canonizationis Ven. Servae Dei Mariae Agnetis-Teresiae a

Sanctissimo Sacramento (in saec.: Emmanuelae a Iesu Arias Espinosa),

Fundatricis Congregationum Missionariarum Clarissarum a SS.mo Sacramento

et Missionariorum a Christo pro Universa Ecclesia (1904-1981)

DECRETUM SUPER MIRACULO

Venerabilis Serva Dei Maria Agnes Teresia a SS.mo Sacramento, in

saeculo Emmanuela a Iesu Arias Espinosa, in oppido Ixtlán del Rio in

Mexico die 7 mensis Iulii anno 1904 ortum habuit e parentibus christiana

fide penitus ditatis. Paulo post viginti aetatis annos, propositum perfecit se

Domino in clausura vovendi et anno 1929 Angelopoli in California

monasterium Clarissarum ab Ave Maria ingressa est. Sequenti anno

primam religiosam professionem et anno 1933 perpetuam votorum

professionem emisit. Sedecim annos nata, Venerabilis Serva Dei in silentio

claustrali, in oratione, in opere et in sacrificio vitam fideliter gessit, dum suo

in corde missionarium desiderium nutriebat. Persentiens a Domino vocari

ad altam contemplationem cum missionario apostolatu nectendam, licentiis

rite praehabitis, Mater Maria Agnes et quinque consorores Cuernavacam

se contulerunt, ut fundamenta iacerent experientiae contemplativae et

missionariae, quae procedente tempore appellata est Congregatio Missio-

nariarum Clarissarum a Sanctissimo Sacramento. Venerabilis Serva Dei die

22 mensis Iulii anno 1981 piissime in Domino obdormivit. Die 3 mensis

Aprilis anno 2009 Summus Pontifex Benedictus XVI eius heroicas

declaravit virtutes.

Eius beatificationi consulens, Postulatio Causae iudicio huius Congrega-

tionis de Causis Sanctorum miram submisit coniectam sanationem infantuli

Francisci Xaverii Carrillo Guzmán. Etenim die 17 mensis Iunii anno 2001

Guadalaiarae in Mexico, infans, unius anni et trium mensium aetatis, in

piscinam cecidit. Condicio valetudinis infantis, cui confestim auxilium datum

est, gravissima evenit: spumam enim ore fundebat, animo omnino defecit,

vigore orbabatur eiusque totum corpus violaceum videbatur. Avia eius, quae

noverat Venerabilem Servam Dei, quam etiam amore ac veneratione prose-

quebatur, statim ut pergrave cognovit infortunium, Matrem Agnesem invo-

cavit, flagitans eius intercessionem pro nepotuli sanatione; deinde Missiona-