Congregatio de Causis Sanctorum 665

Insuper saeviente altero mundiali bello, ille prima in acie caritatis et

assistentiae opera praestitit. Anno 1948 nominatus est Vicarius archidioecesis

"nazarenae" Barolensis: hoc novum munus exsequens suam indefessam

deditionem in amplius territorium profundere potuit. Extremum experiens

conatum oeconomicum, condidit « Vicum Pueri », ut orphanis et pueris indi-

gentioribus subveniret.

Interea, eius vegetum et eminens corpus prodere coeperat condicionem

eius verae valetudinis. Anno 1954 increbruerunt huiusmodi incommoda,

quorum causa e domo non amplius egredi potuit. Exsistentia eius facta est

oratio et munda oblatio Deo placita. Ita Dominus invenit eum illo instanti

quo ad Se vocavit, die nempe 5 mensis Aprilis anno 1956. Fama sanctitatis

qua vivens fruebatur perpensa, die eius exsequiarum, legitimae auctoritates

exceperunt petitionem unanimiter a civibus Barolensibus admotam, nempe

ut Servo Dei privilegiata tribueretur tumulatio apud ecclesiam Novi Oratorii

Sancti Philippi Nerii.

Vigore huius famae, die 1 mensis Maii anno 1996 incohata est Inquisitio

dioecesana de Causa Beatificationis et Canonizationis, quae expleta est die 25

mensis Maii anno 1997, cuius iuridicam validitatem agnovit Congregatio de

Causis Sanctorum Decretum edens die 23 mensis Ianuarii anno 1998.

Apparata Positione, disceptatum est, ut de more, an Servus Dei virtutes

heroico in gradu exercuisset. Die 12 mensis Novembris anno 2010 actus est

Congressus Peculiaris Consultorum Theologorum, quorum favens sententia

confirmata est a Patribus Cardinalibus et Episcopis die 17 mensis Maii anno

2011 in Sessione Ordinaria congregatis, qui, audita relatione Ponentis

Causae, Exc.mi D.ni Antonii Stankiewicz, Episcopi tit. Novapetrensis,

edixerunt Servum Dei theologales, cardinales eisque adnexas virtutes heroum

in modum esse exsecutum.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Raphaelis

Dimiccoli, Sacerdotis dioecesani, in casu et ad effectum de quo agitur.