134. (3. ) Tersus more Litaniae facti.

Arbiter omnitenens, rerum tu summe creator,

Aspice de superis, omnipotens genitor. Omnipotens genitor, ex quo sunt omnia, vere

Principium aeternum, tu miserere tuis. 5 Filius ipse Dei, per quem sunt condita cuncta,

Tu clemens nostras suscipe, quaeso, preces. Spiritus alme Dei, caeli terraeque repertor,

In quo sunt cuncta, tu pia vota vide. Trinus personis, natura conditor unus, 10 0 Deus altithrone, semper adesto pius. Clara Dei genetrix, sanctissima virgo Maria,

Ora pro nobis rite favendo Deum. Pro nobis poscas, Michaei archangelus, ipse

Et Gabriel fortis et Raphael medicus. 15 Cum aethereis turmis placantes sceptra superna

Propitium nobis celsithronum facite. Zachariae natus praeco cunctique prophetae

Et sancti patres, conciliate Deum. Coetus apostolicus, Christi comitatus honestus, 20 Tu precibus nobis limina pande poli.

Claviger aethereus Petrus Paulusque magister,

Andreas, Iacobus atque Iohannis amor. Thomas cum Iacobo, Philippus, Bartholomaeus,

Mattheus et Simon, Thaddeus et Mathias. 25 Doctrina gratulans rutilans et sanguine rubro,

Victorum alme chorus, nos rege tu monitis.

Barnabas, Silas, Stephanus, Marcusque Titusque,

Lucas et Clemens, sanctus Apollinaris, Sixtus, Alexander, Cornelius et Cyprianus, 30 Felix, Urbanus Mauritiusque pius,

Cum quis tu, doctor Bonifacius, inclite martyr,

Placans altithronum funde preces, petimus. Alme tuos socios moneas, Martine, precamur,

Pro nobis Dominum poscere rite pium. 35 Hoc Leo, Silvester simul et confessor Amandus,

Ambrosius praesul papaque Gregorius, Augustinus honor, doctor Hieronymus atque

Maximinus pastor Eusebiusque gerat. Hoc, Benedicte, tuis monachis impende, precamur, 40 Cum Antonio et Paulo regna beata tenens. Martyr Agatha Dei, foveas nos rite, precamur,

Agnes sic virgo, sic et Anastasia. Lucia, Balbina, Petronella, Eubilia, Thecla.

Regina, Euphemia, Caecilia, Sotheris, 45 Eugenia, Prisca, Monegundis, Praxidis, Afra,

Christina, Brigida turbaque casta poli. Caelicolae cuncti, sanctorum exercitus omnis,

Hoc precibus agite, ut nos Deus ipse iuvet. Expurget miserans, exaltet, diligat, ornet, 50 Illaesos servet, protegat atque regat.

Det pacem veram, det plenum munus amoris,

Actus det placidos spemque finemque bonam. Virtutum copiam tribuat mentemque benignam

Et carnem castam tempus et omne bonum. 55 Det victum, vestem, fidos det semper amicos

Atque hostes cunctos arceat ipse procul. Famem depellat, morbos simul auferat omnes,

Conterat et longe daemonis insidias. Curramus laeti, ut capiamus regna beata 60 Cum Christo sursum semper in arce poli. Agnus sancte Dei. qui tollis crimina mundi,

Semper in aeternum tu miserere tuis. Tu nos, Christe, audi, tu exaudi, Christe, precamur,

Te sequimur, Christe, te volumus, cupimus. 65 0 Domine, salva, quia vitam quaerimus abs te,

Redde tuum vultum, sic erit atque satis. Tu quo[niam] virtus, tu vita es, Christe perennis,

Tu, Christe, eleison, tu Kyrie eleison.