▾
Rabanus Maurus, Analecta Hymnica – L. Hymnographi Latini. Series Altera
⎗←→⎘
▾
Magnentius Rabanus Maurus, Archiepiscopus Maguntinus, d. 856.
132. (1). Oratio Mauri ad Deum.
134. (3. ) Tersus more Litaniae facti.
135. (4. ) Hymnus de Caritate.
136. (5. ) Hymnus de Natali Domini.
137. (6. ) Hymnus de Natali Innocentum.
138. (7). Hymnus de Epiphania.
139. (8. ) Hymnus de Epiphania.
140. (9. ) In Epiphania Domini.
141. (10. ) Hymnus dicendus in Pascha Domini.
142. (11. ) In Ascensione Domini.
143. (12). In Ascensione Domini.
144. (13. ) Hymnus in Pentecosten.
145. (14. ) Item de Nativitate Domini.
146. (15. ) Hymnus de sancto Michaele Archangelo.
147. (16. ) Hymnos in Natale sancti Iohannis Baptistae.
148. (17. ) In Natale Apostolorum Petri et Pauli.
149. (18. ) Hymnus in Laudem sancti Bonifacii Martyris.
150. (19. ) In Natale sancti Andreae Apostoli.
151. (20. ) Hymnus de Confessore.
152. (21. ) Hymnus de sanctis Marcellino et Petro Martyribus.
153. (22. ) In Festis plurimorum Martyrum.
154. (23. ) De sancto Martino.
155. (24. ) In Purificatione B. M. V.
156. (25. ) Hymnus de Michaele Archangelo.
Ad Matutinum.
1. Festum nunc celebre magnaque gaudia Compellunt animos carmina promere, Cum Christus solium scandit ad arduum, Caelorum pius arbiter.
2. Conscendit jubilans laetus ad aethera, Sanctorum populus praedicat inclitum, Concinit pariter angelicus chorus Victoris boni gloriam.
3. Qui scandens superos vincula vinxerat, Donans terrigenis munera plurima, Districtus rediet arbiter omnium, Qui mitis modo transiit.
4. Oramus, Domine, conditor inclite, Devotos famulos respice protegens, Ne nos livor edax daemonis obruat Demergat vel in inferos.
5. Ut cum flammivoma nube reverteris Occulta hominum pandere iudicans, Non des supplicia horrida noxiis, Sed iustis bona praemia.
6. Praesta hoc, genitor optime maxime, Hoc tu, nate Dei et bone spiritus, Regnans perpetuo fulgida trinitas Per cuncta pie saecula.