145. (14. ) Item de Nativitate Domini.

1. Gratuletur omnis caro nato Christo Domino,

Qui pro culpa protoplasti carnem nostram induit,

Ut salvaret, quos plasmavit Dei sapientia.

2. Verbum patris caro factum nascitur ex virgine, Non amissa deitate

formam servi suscipit, Ut peccatum de peccato damnaret omnipotens.

3. Magnam valde commendavit per Iohannem gratiam,

Baptizatus in Iordane lavit mundi crimina,

Ut credentium purgaret gentium piacula.

4. Quem et vox paterna vocat:

Ecce, meus filius, In quo complacui, dilectus,

caeli, terrae dominus, Ipsi, gentes, oboedite,

regesque, subdimini.

5. Qui venit surdis auditum, caecis visum reddere,

Claudis gressus restaurare, mortuos viviscere,

Paralyticos curare daemonesque pellere,

6. Leprosos quoque mundare, morbos omnes tergere, Fluctus maris mitigare,

ire super latices

Et ignota demonstrare

saeculis miracula.

7. Nam et sponte immolari voluit pro omnibus, Colaphis, sputis infectus,

coronatus sentibus Lignoque clavis confixus in crucis patibulo.

8. Hoc in ligno vitis vera

pinguem botrum protulit,

Ex qua nobis manaverunt sacramenta maxima:

Sanguis roseus et aqua, quae libantur mystice.

9. Virus pepulit chelidri et momordit inferos,

Patriarchas captivatos longum post exsilium

Ab inferno liberavit, paradisum transtulit.

10. Claustra ferrea disrupit et concussit Tartara, Terra tremuit ab imo, crepuerunt marmora, Et multorem tunc sanctorum surrexerunt corpora.

11. Exsultate, nationes,

plausu cordis intimo, Quia vicit leo fortis

draconem pestiferum,

Passus est et resurrexit

cum triumpho nobili.

12. Sedem caeli repedavit

dextra patris residens,

Inde creditur venturus in die iudicii

Mundi molem inflammare, impios exurere,

13. Reddere sanctis mercedem digno de certamine,

Qui praecepta servaverunt testamenti gemini,

Ut effecti cives Dei socientur angelis.

14. Gloria aeterno patri et agno mitissimo, Qui frequenter immolatur

permanetque integer Deus unus in natura cum sancto spiramine.

Zwischen Str. 8 und 9 schiebt B ein:

Mersus traxit victor antri(x) taetri laesus tartara,

Terra tremuit ab imo, crepuerunt marmora,

Et multorum nunc sanctorum surrexerunt corpora.

Vor Str. 14 schiebt D noch ein:

Gratias agamus Deo, Christo regi Domino, Qui baptismo relevavit et redemit sanguine, Esse facit coheredes in regno perpetuo.