3. De s. Trinitate Abcdarius II.

1. Alpha seu Initium

Machinae mundanae
Cui canunt praeconium

Plebes Christianae,
Horum In consortium

Me, precor, appone,
Tuum hoc obsequium

Concinant ut sane.

2. Beles mea Igitur

Tibi summo bono
Devote prosternitur

Laudans vultu prono
Et Ita prosequitur

Harmoniae sono,
Frequenter reficitur

Quia tuo dono.

3. Cuncta mecum concinant

Smnmae trinitati
Laudes et qui habitant

Coelo jam beati
Nec non se subjiciant

Suae bonitati,
Plurima quos aggravant

Onera peccati.

4. Deus, qui harmonice

A cunctis laudaris
Et summum catholice

Bonum nominans,
Te ut laudem melice,

Mihi largiaris,
Coleris qui coelice

Laudibus praeclaris.

5. Eja modo singulae
Vires cordis mei,
Nomen Ineffabile
Sempiterni Dei
Collaudate sedule
Supplicantes ei,
Det vobis benevole
Locum requiei.
6. Pictor admirabilis
Omnis creaturae,
Homini cum angelis
Colendas de jure,

Vere praeamabilis
Omni menti purae,

Da cum coeli Incolis
Gaudeam secure.

7. Genimen humiliter

Meum recomendo
Tibi, genialiter,

Quo carne descendo,
Cujus singulariter

Salutem Intendo,
Et pro me suppliciter

Manus nunc extendo.

8. Honorificentiam

Carminis decori
Concauo per latriam

Tibi creatori,
Largire hanc gratiam

Tuo laudatori,
Ut ob amicitiam

Velim pro te mori.

9. In hoc mori caritas

Summa comprobatur,
Increata veritas

Uti protestatur,
In eo humanitas

Mire sublimatur,
Et omnis Iniquitas

Ejus depuratur.

10. Katagrapho carmine,

Trinitas beata,
Baptismali flumine

Plebe cum renata
Mentis cum acumine

Ista praedicata,
Caute ex origine

Legis exarata.
11. Lex pandit realiter

Te rerum factorum,
Quem et laudat jugiter

Et gubernatorem,
Precor te humiliter

Meum redemptorem,
Facias me pleniter

Tuum amatorem.

12. Magnus juste diceris

Sed abs quantitate,
Bonusque describens

Sine qualitate,
Unde recte coleris

Summa pietate
Et a me prae ceteris

Vera caritate.

13. Noys [ AdminBookmark ] meus igitur

Tuae majestati
Merito prosternitur

Confitens peccati
Maculam, addicitur

Qua captivitati
Hostiumque traditur

Juste potestati.

14. O foeda deformitas

Peccati mortalis,
Quo summa divinitas

Spernitur a malis,
Demitur beatitas

Vitae aeternalis,
Incurritur calamitas

Poenae gehennalis.

15. Patri summo gloria,

Nato pneumatique,
Sua cum potentia

Qui regnat ubique,
Protegat nos gratia

Tua utrobique,
Quos gravat malitia

Pravorum inique.

16. Quippe Satan fraudibus

Suis nos latenter
Turbat, satellitibus

Sed vexat patenter,
Petimus attentius

Atque reverenter,
Subveni celerius

Nobis ac potenter.

17. Rerum alme conditor
Et rector earum,
Quem laudare molior
Carmine neumarum,

Sed heu miser inquinor
Faecibus culparum,

Unde nunc Impedior
A bonis non parum.

18. Sibos admirabilis

Cunctae creaturae,
Et vere amabilis

Omni menti purae,
Me mihique vinculis

Conjunctos naturae
Mundes a piaculis

Omnis imposturae.

19. Thau signatis mentibus

Servorum tuorum
Laudantum concentibus

Horum te hymnorum
Subveni celerius

Meritis sanctorum
Pressis simultatibus

Adversariorum.

20. Usia mirabilis

Sanctae trinitatis,
Summe venerabilis

Omnibus creatis,
Te et ego vinculis

Tractus caritatis
Veneror his titulis

Sive praedicatis.

21. Xriste patri similis

Virtus et Imago,
A quo Ineffabilis

Tibi est propago,
Tui sancti nominis

Virtutem Indago
Quem VI sancti flaminis

Genuit virago.

22. Yschyros, mirabilis,

Cujus fortitudo
Exstat Invincibilis

Sive magnitudo,
Horum laudum titulis

Me qui nunc insudo,
Conjungat coelicolis

Tua mansuetudo.

23. Zelum mihi tribue,

Pater, nate, flamen,
Colam quo proficue
Te per hoc laudamen,

Salva me continue
Tuum per juvamen,

Laudem ut perpetue
Te cum sanctis. Amen.