43. Abecedarios 3.

1. Admiranda femina

Omnibus post Deum,
Quam Ista per carmina

Satagit cor meum
Venerari, crimina

Sive Jebusaeum
Pelle per precamina

Tua mundans eum.

2. Bona mater, excita

Mentem te colentem,
Propter sua debita

Turpiter torpentem.
Reboet ut merita

Tua per praesentem
Stilum. tua Inclita

Prece Indigentem.

3. Causam tibi primitus

Populi credentis
Commendo medullitus

Atque nisu mentis,
Gentis aufer penitus

Bella persequentis
Nec non hostis Impetus

In nos Insurgentis.
4. Deinde humiliter

Tibi recommendo,
Hos quos specialiter

Amare Intendo,
Maxime carnaliter

A quibus descendo,
Ad quos Integraliter

Affectum extendo.
5. Eja modo singulae

Vires cordis mei.
Personate sedule

Laudes matris Dei,

Omne vos turbabile

Committatis ei,
Nam resistit facile

Hostis rabiei.

6. Florescens. o virgula.

Florem admirandum.
Omnia per saecula

Cunctis venerandum
Membra mea singula

Flecto ad laudandum
Te, ut prece sedula

Natum reddas blandum.
7. Gaude, virgo florida.

Mater hujus floris.
Excitantis tepida

Corda VI odoris.
Nostra culpis frigida

Fraude deceptoris
Virtute consolida

Divini amoris.
8. Hinc te venerabilem

Deprecor reginam,
Tuam per laudabilem

Prolem ac divinam
Abige horribilem

Larvam sataninam.
Ne me trahat flebilem

Mortis In ruinam.
9. In te carnem Induit

Universitatis
Rex. cum per te transiit

Portam puritatis,
Ezechiel Innuit

Ut per modum vatis.
Qua et nostris subiit

Poenam pro peccatis.

10. Karior prae omnibus

Es mihi post Deum,
Unde te devotius

Salutat cor meum,
Expellas a finibus

Ejus Jebusaeum,
Jam qui multis vicibus

Statuit me reum.
11. Ligatis In tenebris

Purgatoriorum
Gratiam de superis

Da suffragiorum,
Fletui compateris

Tu nam turbatorum,
Tuorum prae ceteris

Devotariorum.
12. Movsina mystica

Diceris fiscella,
Nam tuos mirifice

Servas In procella,
Adversantes dejice,

Dulcis o puella,
Excitant barbariae

Qui In nobis bella.
13. Nunc, stella mirifica,

Stella claritatis,
Refulgens In coelica

Aula prae beatis,
Tu me recalifica

Algidum peccatis,
Induens me tunica

Omnis probitatis.
14. Omnis nam justitiae

Atque honestatis
Et benevolentiae

Seu benignitatis
Forma es, dans gratiae

Dona praeparatis
Et omnis malitiae

Faece expurgatis.

15. Ponifex mirifica,

Qua panis paratur,

Per quem plebs catholica
Jugiter cibatur,

Mea mens famelica
En fame gravatur,

A te, o spes unica

Stipem praestolatur.
16. Quies laborantium

In mundi labore,
Christo adhaerentium

Mentis cum fervore,
In nos Insurgentium

Nimio furore
Auferas obsidium

Tuo pro amore.
17. Redolens o lilium

In coeli paradiso,
Dans menti solatium

Auro prae obrizo,
Da mihi remedium

Peccatis eliso,
Carnis post excidium

Ne tradar Inviso.
18. Stella serenifica,

Lucem dans micantem,
Infima et coelica

Mire Illustrantem,
Meam scientifica

Mentem Ignorantem
Atque VI satanica

Nimis oberrantem.

19. Tribulamen auferas

Nunc catholicorum,
Illatum per efferas

Gentes paganorum,
Animasque deferas

Per hos occisorum
Precibus ad superas

Sedes beatorum.

20. Vellus o virgineum,

Gratia complutum,
Dans amictum carneum,

Domino virtutum,
Perducas erroneum

Me per Iter tutum,
Casum Instantaneum

Pellens et versutum.
21. Xenodochiaria

Es verbi divini
In hujus miseria

Mundi peregrini,

Accipe donaria
Cultus vespertini,

Dicta ex Industria
Tui Inquilini.

22. Ysaiae veritas

Hoc praenuntiavit,
Quod carne divinitas

In te habitavit,
Qua nostras praeteritas

Culpas expiavit,

Sic coronas perditas
Nobis reparavit.

23. Zeli venerabilis

Dux sive ducamen,
Per quam omnis flebitis

Recipit solamen,
Mortis In periculis

Mihi des juvamen,
Fidei In articulis

Ne vacillem. Amen.