32. Abecedarius VII.

1. Ave tripudians

cum dulci filio
Et sanctis omnibus

in coeli solio,
Isto degentibus

in territorio
Adsis celeriter

tuo praesidio.

2. Beati jubilant

summa laetitia
De tua jugiter

dulci praesentia,
Pro te extollitur

Dei clementia,
Qui tibi contulit

tot beneficia.

3. Coeli hierarchica

hunc laudet dignitas,
Nostras qui sublevat

per te miserias,
Perversas hostium

pellit versutias,
Dimittit crimina,

infundit gratias.

4. Diram tyrannidem

nunc Infidelium
Tuum evacuet

per patrocinium,
Matris ecclesiae

totum confinium
Sibi conciliet

dans pacem temporum.

5. Ecce sol procreas

tu vitem floridam,
Quae mentem debriat

amore fervidam,
Nubem facinorum

pellat et gelidam,
Quae mentem efficit

in bonis tepidam,

6. Pari non poterit

vocis potentia
Nec mentis capitur

intelligentia
Nec mille panderent

Abecedaria
Quantis nunc praemiis

fulges In gloria.

7. Gaude nunc Igitur

et aeternaliter,
Nam vides filiam

jam facialiter,
Qui cunctis praesidet

potentialiter,
Salva nos precibus

tuis finaliter.

8. Honorem jugiter

tuum quaerentibus
Prosa, carminibus
sive concentibus,

Adsis et protegas
hos a nocentibus

Et a justitia
impedientibus.

9. Inconfuscabilis

o mater luminis,
In arce jubilans

iubentis culminis,
Memor ecclesiae

sis congregaminis,
Quod modo premitur

adversis maximis.

10. Karum pro omnibus

exoro filium,
Quos gravat servitus

jam infidelium,
Ut horum citius

solvat exsilium
Vel suae gratiae

praestet auxilium.

11. Latens o lilium

olim in vepribus,
Exemplum vividum

praestas humilibus,
Et cum industria

te intuentibus
Es vera regula

caste viventibus.

12. Majestas deica

in sanctuarium
Te sibi ordinat

sive sacrarium,
Quo suae gratiae

praestat donarium
Vitae vincentibus

peccatum varium.

13. Nos ergo doceas

mundum despicere,
Virtutes animi

sollerter quaerere,
Coelum ex intimo

cordis appetere,
Et post in praemium

illud accipere.

14. O mater gratiae,

nunc tua gratia
Notis moerentibus

donet salubria,
Nam turbat multiplex

nos jam miseria,
Foris adversitas,

intus discordia.

15. Paradisiaci

campi o rosula,
Fragrans virtutibus

cuncta per saecula,
Tuis precatibus,

o mater sedula,
Te venerantium

aufer piacula.

16. Quae nunc In filii

consides dexteris,
Te collaudantibus

succurre miseris,
Ne post judicium

tradamur Inferis,
Sed tuis meritis

jungamur superis.

17. Rosa mirabilis
et salutifera,
In pulchritudine
praecellens sidera,

Nobis degentibus
in valle misera

Tuae clementiae
ostende viscera.

18. Stirps o mirabilis,

inaestimabilem
Fructum parturiens

et ineffabilem,
Tuis precatibus

sanet medebilem,
Servans in posterum

imperturbabilem.

19. Tu modo cyclade

cincta purpurea,
Regina resides

sede aetherea,
Tuorum exsulum

audi suspiria,
Quos angit valide

boni penuria.

20. Virga Jesseica

de stirpe prodiens,
Vina dulcissima

Olympi largiens,
En ad te clamitat

mens mea sitiens,
Quam sis de gratiae

fonte reficiens.