11. Oratio poenitentiae ad Christum et pro hono fine.

1. O vitis coelica,

cujus mirifici
Amoris potio

evincit Cyprici
Vini dulcedinem

et mellis Attici.
Qua me ex Intimis

exoro refici.

2. Ista conscribere

oda exordior
Honorem nominis

tui, quo glorior,
Nam Christianus sum

et Ita nominor,
Quamvis fidelibus

cunctis Inferior.

3. Te patris fateor

aeterni filium,
Qui te sequentibus

confers remedium,
Sine cunctamine

praestes auxilium
Linquenti protinus

mundi exsilium.

4. Verbum In virgine

carnem suscipiens,
Qua mundi scelera

solvisti moriens,
Mihi, te deprecor,

esto compatiens,
Quia persequitur

me hostis saeviens.

5. Tibi confiteor,

o rex justitiae,
Commissa scelera

meae stultitiae,
Quae ab Initio

gessi infantiae
Ac post per tempora

adolescentiae.

6. Nempe superbia

lapsus Initium,
Torpor, Ingluvies,

cariusque vitium,
Ira, cupiditas,

livor et odium
Legi me comprobant

tuae contrarium.

7. Olim, quae dederas

mandata populis,
Conscripta digito

tuo In tabulis,
Sed et ecclesiae

patrumque regulis,
Meis transgressus sum

magnis piaculis.

8. Incontinentia

meorum sensuum
Me reum statuit
multorum criminum,

Excessi siquidem
per culpas tactuum,

Olfactus visusque,
gustus et aurium,

9. Justorum praemium

atque possessio,
Qui et promissor es

atque promissio,
Haec nunc sufficiat

parva confessio,
Qua me totaliter

tibi subjicio.

10. Per te restituar

pristino gradui,
Quem in virtutibus

olim restinui,
A quo tunc cecidi,

cum cessi aestui
Concupiscentiae

et hostis astui.

11. Adsis, Emanuel,

quem semper veneror,
In cujus fide et

nomine glorior,
Quando In corpore

peccator morior,
Esto misericors

tunc mihi, deprecor.

12. Quae pro viatico

sunt necessaria,
Des tua, supplico,

misericordia,
Tunc cum defecerit

mentis Industria,
Per quam proficere,

possem In gratia.

13. Tuo adventui

me, quaeso, praepara,
Da mihi gratiam

relaxans scelera,
Sic tuis meritis

patri confoedera,
Tandem post obitum

feras ad aethera.

14. Tibi profiteror,

decus mirificum,
Quo tibi concinam

Laudes et canticum,
Si sit possibile,

quasi angelicum,
Cum ductus fuero

in regnum coelicum.

15. Ecce destituor

corporis viribus,
Dandus quantocius

in escam vermibus,
Solare animam,

precor, attentius,
Jungens per gratiam

coelorum civibus.

16. Tuis auxiliis

atque favoribus
Clementer protegas

me a terroribus
Taetrorum daemonum

Stygisque foribus,
Qua degunt miseri

multis doloribus.

17. Fuga peccaminum

meorum scoriam
Tuae dulcissimae

matris ob gloriam.
Cujus ex Intimis

exoro gratiam,
Tecum ut merear

ejus praesentiam.

18. O sapientia

firmaque veritas,
Per quam depellitur

mundana falsitas,
Repelle, deprecor,

fraudes, versutias,
Quibus subvertere

me gliscit Satanas.

19. Vere es Dominus,

quem jure veneror,
Cujus me fidei

professum fateor,
Unde et Satanam

infestum patior,
Quem ut abjicias,

devote deprecor.

20. Lumen laetificans

corda moerentia
Ac turpi scelerum

labe sordentia,
Measque tenebras

precor irradia,
Uti videre sim

dignus coelestia.

21. In tuo radio

fideles ambulent,
Sub pacis titulo

principes Imperent,
Beati angeli

semper hos adjuvent
Et dissidentium

mentes concilient.

22. Periclitantibus

mundi naufragio
Coelestis gratiae

adsis remigio,
Ecclesiastica

namque religio
In multis titubat

atque dilectio.

23. Rex, tibi salus sit,

honor, victoria,
Laus, jubilatio,

summa potentia,
Qui regnas perpetim

dulci concordia,
Cum sancto spiritu

in patris gloria.