7. Ad Dominum Jesum Christum.

1. Ave, Jesu, figule

Prudens omnis rei,
Decus Indicibile

Dans potenter ei,
Fac, o Ineffabile

Verbum summi Dei,
Tibi habitabile

Antrum cordis mei.

2. Ave, flos amabilis,

Quem nunc indefesse
Laudo laudum flosculis

De scripturae messe
Carptis, qui oraculis

De radice Jesse
Dicebaris credulis

Oriundus esse.

3. Ave, sol justitiae,

Animarum vita,
Lux intelligentiae

Laude redimita,
Dono innocentiae

Nos clementer dita,
Tandemque ad gloriae

Statum nos Invita.
4. Ave, admirabilis

Rex terrae coelique,
Cujus venerabilis

Laus volat ubique,
Judaeorum flebilis

Plebs olim Inique
Te sprevit, amabilis

Cum sis utrobique.

5. Ave torcularia

Jesu qui calcasti,
Crucis In angaria

Quando laborasti,
Mundum sic a varia

Labe liberasti,
Multosque In gloria

Tecum sublimasti.

6. Ave, petra, scissio

Cujus vel foramen
Justis est protectio

Atque recreamen,
Mihi sis ericio,

Precor, defensamen,
Urat ne pro vitio

Stygis me sufflamen.
7. Ave, flos, quem generat

Hortus virginalis,
Quem nullus obnubilat

Tepor hiemalis,
Sed hunc ros Inebriat

Semper divinalis,
Ut olim praedixerat

Sermo prophetalis.
8. Ave, cui hoc vario

Laude, flore pango.
Quem de viridario

Scripturarum frango,
En pro multifario

Scelere me plango,
Unde hoc In cantico

Laudis plectrum tango.
9. Ave, lux qui omnibus

Semper es jucunda,
Qui tibi sincerius

Corda parant munda-
G-ratiae muneribus

Cor meum fecunda,
Irrigando crebrius

Lacrimarum unda.
10. Ave, dux euntium

Ad regna superna,
Cursus festinantium,

Via et lucerna,
Doctor Ignorantium,

Illustres Interna
Mea, quae per vitium

Tendunt ad Inferna.

11. Ave, beatificans

Decus animarum,
Mortemque exterminans

Conscientiarum,
Esto nos gratificans

Donis gratiarum,
Quos foedat tabificans

Pravitas culparum.

12. Ave, cui carminum

Offero libamen,
Te cum patre luminum

Laudans atque flamen,
Dele, quaeso, criminum

Meorum atramen,
Ut post vitae terminum

Tibi jungar. Amen.