6. Hymnus de Salvatore.

1. Inhaerere tibi, Christe,
Fac nos totis nisibus,
Et tu nobis nunc assiste

Gratiae muneribus,
Quibus perfidi sophistae
Ejusque complicibus
Resistamus fortiter.
Equitatis ratione

Nobis tuis famulis
Es absque cessatione

Corde diligibilis,
Quia tua passione
Solvisti a vinculis
Nos et liberaliter.

2. Sanguis tuus copiose
Fusus In patibulo
Stringit nos deliciose

Caritatis vinculo,
Tibi, Jesu speciose,
Deservire sedulo

Nunc et In perpetuum.
Unde cum jucunditate
Mentis et Industria
Recolentes nobis a te

Data beneficia,
Collaudamus te cum patre,
O summa sapientia,
Hymnum per continuum.

3. Sanctitatis tuae nomen
Quod explanat titulus,
Supra crucis cancellamen

Quem conscripsit Pontius,
Inimicos atque fulmen
Pellat a credentibus
Cunctaque pericula.
Nomen Jesus, nomen suave,

Nomen admirabile,
Tibi repugnanti grave

Vel Intolerabile,
Sed amantes dicunt: Ave,
Nomen venerabile,
Per aeterna saecula.

4. Amor tuus, Jesu bone,
Nate summi principis,
Quo nos tua passione

A peccatis eripis,
Hoc ab Infestatione
Infernalis aucupis
Festinanter erue.
Zelatorem animarum

Nostrorum te colimus,

Moreque symphonistarum

Hymnos tibi promimus,

Quamvis hoc sit nil vel parum

Ad Id quod debuimus

Te laudare strenue.

5. Ad amorem nos hortamur
Tuum ardentissime,
Donis quibus consolamur

A te benignissime,
Ac praecepto, quo ligamur,
Quo jubes justissime
Deum tuum diliges.
Recreamen hoc mandatum

Dat se observantibus
Et felicitatis statum

In regnis coelestibus,

Fulgebunt per Dei datum

Cum supernis civibus

Veluti meridies.

6. Excellenter diligamus
Deum atque fortiter,
Et ejus obediamus
Legibus hilariter,
Ut aeternae sic fiamus
Ipsius finaliter

Possessores gloriae.
Nazarenum te nunc florem,

Florem vere coelicum,
Qui largiris tuis rorem

Gratiae dulcificum,
Rogitamus, ut terrorem
Abigas tyrannicum
A filiis ecclesiae.

7. Uirtuosum tuum nomen
Exstans in miraculis
Hostile pellat gravamen
Cunctis cum periculis
Conferatque consolamen
Nobis tuis famulis
In mundi miseria.
Salvativum nomen quidem

Jesus est credentibus,
Verbis, factis qui sunt Idem

Et affectionibus,
Veramque, quam tenent, fidem
Qui probant operibus
Cum perseverantia.

8. Redde nobis, Jesu bone,
Per tuam clementiam
Laesa ex transgressione

Protoplasti gratiam
Et sanatos passione
Tua nos ad gloriam
Duc coelestis patriae.
Es amicus cordialis,

Jesu, te sequentibus
Quos et amor specialis
Tibi stringit arctius
Protegisque hos a malis
Et a persequentibus
Fervore malitiae.
9. Xristianos a te dictos,
Jesu benignissime,
Ab hoste redde invictos

Ac a malis redime,
Et a nobis maledictos
Saracenos dirime
Tuam per potentiam.
Innovari per amorem

Tuum, Jesu, petimus,
Qui peccati per horrorem

Turpiter cecidimus,
Hostium ob hoc terrorem
Merito accipimus,

Sed fac nobis gratiam.
10. Uerte maledictionem
Illatam justissime
Nunc In benedictionem,
Jesu clementissime,

Et nostram rebellionem

Ita plene deprime,
Ne crescat ulterius.
Decoremnr, Jesu bone,

Tua amicitia
Sic ut nulla passione

Ruamus In vitia,
Ut cum jubilatione

Nostra conscientia
Te laudet liberius.

11. Extende manum inunctis
Tuis charismatibus,
Vivis atque jam defunctis

In te quiescentibus,
Maxime naturae junctis
Nobis ligaminibus
Absolvens a crucio.
Opressorum pravitate
Satanae satellitum
Tua pro benignitate
Intuere gemitum,
Praestanspro quo clamant ad te
Consolamen solitum
Salvans ob exitio.

12. Rorem dona gratiarum

Jam multis conflictibus
Constitutis nunc non parum

Pro te laborantibus,
Gentium ut barbarorum

Resistant conatibus

Tuo fulti gladio.

Ut sic per te liberati

A nos persequentibus,
Serviamus tibi grati

Cum devotis mentibus,
Jubilantes majestati

Tuae cum concentibus
Cordisque tripudio.
Majestati sit divinae

Decus et Imperium,
Quae per stellae det marinae

Devotum suffragium,
Ut peracto mundi fine

Sanctorum consortium
Sumat nos cum gaudio.