29. Abecedarios IV.

1. Ave, largissima,

donatrix munerum,
Quae praestas largiter

catervis pauperum
Et ad me porrige

ob culpas miseram,
Stipem solaminis

nunc et In posterum.

2. Benedic famulum

ex Dei gratia,
Conantem canere

tua praecouia,
Phantasma disjice,

mentem irradia,
Et, quae sunt pleniter

da necessaria.

3. Coelum concipio

te non Incongrue,
Qua nobis Influunt

bona continue ;
Et mihi gratiam

divinam influe,
Ut te concentibus

laudem assidue.

4. Dei Ingeniti

nata amabilis
Et ejus filii

mater laudabilis,
Pneumatis clausula

inviolabilis,
Cunctis credentibus

es venerabilis.
5. En modo conspicis,

quo desiderio
Flagrans inhaereo

tuo vestigio.
Erui desiderans

tuo suffragio,
Me nempe multiplex

premit defectio.

6. Frangor nam animi

inquietudine,
Qui multo premitur

gravique crimine,
Respirat paululum

sed a gravamine,
Delectans dulciter

tuo amamine

7. Gravem penuriam

virtutum profero,
Unde solamina

tua desidero,
Clemens subvenias

ut mihi misero,
Ut non post obitum

immergar Tartaro.

8. Hinc ergo veneror

te sanctam virginem,
Quae nobis parturis

Deum et hominem,
Nobis hominibus

adspectu similem,
Ab omni vitio

inattingibilem.

9. Ipse justitiae

sol nos Irradiet,
Ne nos de cetero

culpa contaminet,
Pater ab omnibus

malis nos sublevet,
Pneuma nos lumine

suo Illuminet.

10. Karisma doceat

ejusdem spiritus
Nos pressos plurimis

perplexitatibus,
Expurget pleniter

a facinoribus,
Clementer repleat

cunctis virtutibus.

11. Lassos reficiat,

sedet discordiam,
Livorem auferat

et Iracundiam,
In tribulamine

juvet ecclesiam,
Ab ea dimovens

omnem miseriam.

12. Mundet et squalida
corda a vitiis,
Quibus sordescimus

in conscientiis,
Suis torpentia

accendat gratiis
Et servet omnibus
a negligentiis.

13. Ne forte decidant

spernentes modica,
Currentes fervide

per mundi lubrica,
Et sic perveniant

tandem ad maxima,
Quibus finaliter

vadunt In tartara.

14. O amor inclite

beatae virginis,
Ex abundantia

tuae dulcedinis
Nostri acedinem

depelle criminis,
Et poenam perpetis

amaritudinis.

15. Ponis propheticis

figuris terminum,
Cum nostrae generas

culpae remedium,
Precamur, abjice

nunc exterminium,
Gravans ecclesiae

sanctae collegium.

16. Quippe altrinsecus

plebs jam catholica.
Perfert flebiliter

multa tyrannica,
Nempe forinsecus

bella paganica,
Intus civilia

mundique lubrica.

17. Regnantem undique

in mundi machina.
Nobis concilient

tua precamina,
Propellant hostium

cuncta molimina,
Virtutes Inserant

absolvant crimina.

18. Stirpis Davidicae

germen amabile,
Ferens In stipite

decus mirabile,
Aulae sidereae

quod regnum stabile
Regit et perficit

omne creabile.

19. Tuae largitio

maternae gratiae
Clangor est buccinae

sonans mirifice,
Praesta solatium

tuae clementiae
In valle plurimum

pressis miseriae.

20. Virgo dulcissima,

dic pusillanimis
Summe precantibus

mitis et humilis:
Venite propere,

vos qui me cupitis,
Nolo deserere

vos In angustiis.