49. Rosarium II.

I.

1. Ave, gaude, vale, plaude,

Salve, virgo nobilis,
Omni veneranda laude

Carminumque titulis,
Nos ab bostis tuta fraude

Cunctisque periculis.
2. Ave, cujus ad parentes

Missus fuit angelus,
Quos abjecit olim flentes

Hebraeorum populus,
Ait: sitis nunc gaudentes

Et ne fleat oculus.
3. Ave, cujus mater alma,

Laeta de oraculo,
Forte cecinit Hosanna

Animae In jubilo,
Nos coelesti ciba manna

Carnis nati pabulo.
4. Ave, de radice Jesse

Genus ducens Inclitum,
Ut per scripta est expresse

Isaiae proditum,
Mundum duc ad bene esse

Per peccata perditum,

5. Ave, virgo de regali

Concepta genimine,
Nec non et pontificali

Oriunda germine,
Servos tuos a mortali

Semper serves crimine.
6. Ave, quam originalis

Non foedavit macula,
Nam te virtus divinalis

Sic tutavit sedula,
Ut nec culpae venialis

Te moverent scandala.
7. Ave, virgo lux solaris

Micans de caligine,
Quando carne generaris

Davidis ex germine,
Tuae nobis largiaris

Gratiae de lumine.
8. Ave, nardus odorosa

Odoris fragramine,
Deitatis o formosa

Fota obumbramine,
Unge corda rancorosa

Caritatis unguine.

9. Ave, virgo, quam perfudit

Larga benedictio,
Qua deletur, quam Induxit

Eva, maledictio,
Aufer mala, quae jam cudit

Satanae vexatio.

10. Ave, sponsa virginalis,

Post Deum spes unica,
Clemens et Imperialis,

Audi, mater, cantica,
Cunctis tuta nos a malis
Impetraque coelica.

II.

11. Gaude In qua novitatis

Prodeunt miracula,
Priscae quae antiquitatis

Non noverunt saecula,
Quando fis divinitatis

Sempiternae gerula.
12. Gaude, virgo, porta clausa,

Quam nemo aperuit,
Salvatoris nostri pausa,

Qui te solus transiit,
Qui salutis nostrae causa

Est et semper exstitit.
13. Gaude, fons, quo pietatis

Rivus clangens effluit,
Proles quando summi patris

In te carnem Induit,
Qua credentes a peccatis

Moriendo abluit.
14. Gaude, mater sine lege

Conjugali pariens,
Modo coram summo rege

Melodias concinens,
Omne vitiosum tege

A bonis Impediens.
15. Gaude, virgo singularis,

Ornata virtutibus,
Gloriosa praedicaris

Juste a fidelibus,
Quia Deum nobis paris

Castis ex visceribus.

16. Gaude, stella gignens solem,

Hominem sic reparas,
Quando Dei patris prolem

Virgo manens generas,
Culparum nostrarum molem

Tua prece auferas.
17. Gaude, dulciter affata

Ore Christi crebrius,
Caritate ordinata

Cunctisque virtutibus,
Ejus dextra amplexata,

Modo In coelestibus.
18. Gaude, bis sex coronata

Stellis honorifice,
Vero sole circumdata,

Gignens hunc mirifice,
Luna pedibus substrata

Tuis exstat mystice.
19. Gaude, virgo, quam rigavit

Ros divinus dulciter,
Et humanas sordes lavit

Qui misericorditer,
Hunc mamilla tua pavit

Caute et sagaciter.
20. Gaude, gemma, margaritae

Formam vincens specie
Nominans mater rite

Christi, regis gloriae,
Fac Inscribi libro vitae

Te laudantes hodie.

III.

21. Vale, dulcis et beata,

Spes In te sperantium,

Devotorum ordinata
Salus Infirmantium

Et periclis maris data
Remus navigantium.

22. Vale, cujus proloquuntur
Natum vatum carmina,
Gloriosaque dicuntur

De te, mundi domina,
Preme, qui nos persequuntur,
Hostium molimina.

23. Vale, virgo, quae sic ornas
Davidis progeniem,

Sicut rosa Inter spinas
Illis addit speciem,

Ne In nobis culpae sinas
Crescere congeriem.

24. Vale, virgo, gratiosa

Cunctis te laudantibus,

Adsis, mater speciosa,
Ad te suspirantibus,

Tela frangens venenosa
Transmissa ab hostibus.

25. Vale, gemma praepolita

Deitatis unguine,
Per quam mundo fluxit vita

Perdito pro crimine,
Servis tuis adsis cita

Mortis In discrimine.

26. Vale, moribus praeclara,
Mater castimoniae,

Tu divinitatis cara
Balsamus fragrantiae,

In supernis servis para
Tuis locum gloriae.

27. Vale, mater, virgo casta,
Rutilans In gloria.

Omni cum virtute pasta
Abs peccati scoria,

Cunctis tribulatis asta
Tua pro clementia.

28. Vale, virginum decora
Splendore munditiae,

Rutilans velut aurora
Exemplis justitiae,

Corda servorum irrora
Ponte sapientiae.

29. Vale, stella matutina,

Refulgens prae omnibus,
Radix David, stirps divina,

Fractum dans credentibus,
Da, ne noceat vulpina
Fraus te venerantibus.

30. Vale, vitis copiosa,

Vina dans laetitiae,
Virgo dulcis et formosa,

Norma pudicitiae,
Corda nostra tenebrosa
Lustra dono gratiae.

IV.

31. Plaude, cujus est effusum
Nomen coram gentibus,

Medicamenque contusum
Nobis Infirmantibus,

Gradiendi praestans usum
Mente claudicantibus.

32. Plaude, madens Gedeonis
Ros signum victoriae,

Pondus desolationis
Aufer et miseriae,

Quo premuntur VI praedonis
Filii ecclesiae.

33. Plaude, mundi naufragantis
Portus securissime,
Ad quem vela fluctuantis

Expanduntur animae,
Inimici perturbantis
Nos virtute reprime.

34. Plaude, virgo gloriosa
Magna cum laetitia,

Quam jucunda laudis prosa
Salutat ecclesia,

Luxit nam victoriosa
Nati dies tertia.

35. Plaude, mater resurgentis

Sua ex potentia,
Cujus morte est serpentis

Delusa versutia,
Tu fermenti corrumpentis

Prece fuga noxia.

36. Plaude, mater ascendentis
Coelos ex VI propria,
Secum quoque educentis

Electorum agmina,
Fac nos paschae permanentis
Obtinere gaudia.

37. Plaude, virgo, rubens rosa

Et pudoris lilium,
Intrans coeli gaudiosa

Inducta per filium,
In hac valle lacrimoso

Nobis fer auxilium.
38. Plaude, mater regis magni

Regnantis In superis,
Nunc In regno Dei agni

Residens In dexteris,
Ne nos poenae tradat stagni,

Tu succurre miseris.

39. Plaude, virgo, regnans clare

Modo super sidera,
Nos dignare te laudare,

O Christi puerpera,
Ac clementer expiare

Cuncta nostra scelera.
40. Plaude, prudens o Maria,

Sidusque mirificum,
Da finita vitae via

Et carnis post lubricum
Speculemur, virgo dia,

Tecum numen coelicum.

V.

41. Salve, surgens, o decora,

Nobili progeni,
Mane veluti aurora,

Rutilans In facie,
Apud filium Implora

Nobis donum gratiae.
42. Salve, mater, salve clemens,

Salve plena gratia,
Ad quam santa corde gemens

Suspirat ecclesia,
Quam conatur hostis fremens

Ducere In Invia.
43. Salve. cujus prae amore

Vox est facta languida,
Caput tuum plenum rore

Distillat aromata.
Corda nostra pro honore

Tuo sana morbida.
44. Salve, saltus o vernalis,

Floridus virtutibus,
In quo rosa, flos regalis,

Redolet prae omnibus,
Amor tuus matemalis

Jam succurrat tristibus.
45. Salve, campus liliatus

Flore pudicitiae
Hortulusque Irrigatus

Fonte sapientiae,
Reformetur quo et status

Miser jam ecclesiae,

46. Salve, mater, o Maria,

Virgoque egregia,
Orta genealogia

Davidis ex regia,
Salva mente fantes pia

Tua privilegia.
47. Salve, regina decora,

Justis convertibilis,
Rutilans velut aurora,

Satanae terribilis
Da, ne laedat mortis hora

Nos Ille horribilis.
48. Salve, virgo, salve mitis

Mater summi numinis,
Nobis pravae irretitis

Culpa turpitudinis,
Da videre nunc contritis

Vultum veri luminis.
49. Salve, bonis plenum cunctis

Domini sacrarium,
Pro peccatis jam compunctis

Coeli dans solatium,
Nostris vivis ac defunctis

Semper sis praesidium.
50. Salve, dulcis o Maria,

Nostra spes et domina,
Quam collaudat mente pia

Trina rerum machina,
Duc nos hac finita via

Coeli ad Intermina.